a b c d e f g h i j k l m n o p q r s t u v w x y z 0 1 2 3 4 5 6 7 8 9 #

أحمد سعد - 100 hesab - ١٠٠ حساب - ahmed saad lyrics

[المقدمة]
بتشرف بيكم وبقول إن الدنيا بحالها حسداني عليكم
دي حتى الطيبة دي جواكم بتبان في عينيكم
ده مقامكم عالي أوي عندي من بختي الحلو ومن حظي
عشرتكم عندي أنا بالدنيا، ما أقدرش أبعد عنكم ثانية
الله يخليكم

[المقطع الأول]
أنا وسط ناسي بيتعملي ١٠٠ حساب
والشهم ليه مكان وسطنا لو حتى غاب
إحنا الرجولة والأدب والإحترام
معمول لينا في الجدعنة مليون كتاب
ما ياكلش عيشنا وملحنا غير الأصيل
لو حد ضاقت يوم عليه على أخوه يميل
كلمتنا واحدة وع الحلال متربين
في أي حتة معروفين من غير دليل

[المقطع الثاني]
أهل الرجولة والشهامة والكرم
إبني وأبويا أخويا صاحبي المحترم
أهلي وحبايبي اللي ليهم وضعهم
وإسمهم أشهر من النار ع العلم
الناس في قلبي كوم يا صاحبي وإنت كوم
لو عشت طول العمر أشكر فيك وأصون
ما يكفنيش العمر كله شكر فيك
بتزيد في نظري يوم يا صاحبي بعد يوم
[اللازمة]
ده إنتوا ناس أصلي وتمام
ناس رجولة مش كلام
صحبة حلوة وعشرة أحلى
مية تحية ومية سلام
ده إنتوا وقت الشدة سندي
إنتوا أصحابي وأهلي
مهما أقول أنا من الكلام
إنتوا أغلى حاجة عندي

[المقطع الثالث]
أهلي وحبايبي وناسي اللي مشرفيني
لو غيبت عنكوا بحس روحي رايحة مني
ما بينا عشرة وعيش وملح وكلمة حلوة
لو يوم بعدت صدقوني ده غصب عني
يا اللي الأصول والجدعنة ده طبع فيكم
في أي حتة معروفين بيبان عليكم
تملي في الخير سباقين ومقامكوا عالي
إيد واحدة دايمًا كلكم، تسلم إيديكم

[اللازمة]
ده إنتوا ناس أصلي وتمام
ناس رجولة مش كلام
صحبة حلوة وعشرة أحلى
مية تحية ومية سلام
ده إنتوا وقت الشدة سندي
إنتوا أصحابي وأهلي
مهما أقول أنا من الكلام
إنتوا أغلى حاجة عندي

- أحمد سعد lyrics

Random Lyrics

HOT LYRICS