a b c d e f g h i j k l m n o p q r s t u v w x y z 0 1 2 3 4 5 6 7 8 9 #

أمين خطاب - ah sa7e7 7abeet - آه صحيح حبيت - ameen khattab lyrics

Loading...

[المقدمة]
آه، آه، آه
أنا غير موجود بالدنيا
عشان مضروب بالمنومات
عيني حابة النوم، كاره أفتح
من دراويل الحكايات
ما بقتش بفكر فيكي
عقلي بجد بقى ناسيكي
من بعد ما خدتي قرارك
قلبي خلاص قرر يرميكي

[اللازمة]
ربنا إداني القوة
ورديتلكم جمايلكو
كان رد الفعل تقيل
معلش ما هو من عمايلكو
كل غلطكو اللي إتسجل
حتى حسابكو اللي إتأجل
كان إجباري لازم يخلص
دين الشيك ده لازم يتقفل

[المقطع الأول]
إقلعوا وش المسكنة
علشان مش ماشي مع النية
إلبسوا وش النفسنة
هيليق يا ولاد المؤذية
طبع الوحشين معروف
متداري مش ع المكشوف
خدوا مني نصيحة، عشرتكو فضيحة
وآخرها كمان زغروف
[اللازمة]
أصحابي ما بقوش يسألوا
غير ع الروچ الأحمر والشواتير
ماسكينلي الفقر وفي النايتات
بيضيعوا ع القمامير
سكتهم كان فيها حفرة
عايمين في المية الزفرة
وضع الجدعنة بقى للنسوان
لأجل أما يفكوا الشفرة

[المقطع الثاني]
أنا غير موجود بالدنيا
عشان مضروب بالمنومات
عيني حابة النوم، كاره أفتح
من دراويل الحكايات
فاتح فوني وأوفلاين
مش حابب أكون أونلاين
ما أنا من اللي حصلي صحيت ووصلي
إن ما فيش واحد صاين

[اللازمة]
الناس كانت فاكرة إن إحنا معاكوا
بنجمع في الملايين
وما حدش عارف إننا عشناها
بالسلف ومديونين
في الأول عملوا حبايب
بعدين دارت بنصايب
وعشان ربنا كان بيحبنا
خلى عياركم مش صايب
[المقطع الثالث]
أنا لما سألتكو رديتوا قلتوا
إنكم ما أخدتوش
بس إنتوا أخدتوا وخدتوا
لكن لساكم ما شبعتوش
معدتكم مهما تشيل
لينا برضك رب كبير
هو اللي يخلص منكو عشان
إنتوا ظلمتونا كتير

[اللازمة]
آه صحيح حبيت ورسمت طريقي
والحب كتبلي جروح
لكن دلوقتي خلاص أنا نسيت
وداويت قلبي المجروح
ما بقتش بفكر فيكي
عقلي بجد بقى ناسيكي
من بعد ما خدتي قرارك
قلبي خلاص قرر يرميكي

[المقطع الرابع]
ليه راجعالي بعد سنين الفرقة
تقولي تعالى ننسى
ما خلاص القلب إتدمر
والروح من حبك يائسة
إزاي وإنتي ظلمتيني
جاية تقولي بتحبيني
لو كان قلبك حابني بجد
ما كنتيش يوم سبتيني
[اللازمة]
مش مخنوق، ده أنا مبسوط
علشان جالي حقي مع الأيام
ظالم، مظلوم، الكاس بيدور
وبتترد الأفعال
تزرع قسوة وأحزان
وتبيع حب وأوهام
كده كده كله هيترد
عشان دنيتنا دي داين تدان

- أمين خطاب lyrics

Random Lyrics

HOT LYRICS

Loading...