أم كلثوم - seret el hob | سيرة الحب - umm kulthum lyrics
طول عمري بخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمري بقول لا أنا قد الشوق وليالي الشوق ولا قلبي قد عذابه
وقابلتك انت لقيتك بتغير كل حياتي
ما أعرفش إزاي حبيتك ما أعرفش إزاي ياحياتي
من همسة حب لقيتني باحب وأدوب في الحب وصبح وليل وليل علي بابه
فات من عمري سنين وسنين شفت كتير و قليل عاشقين
اللي بيشكي حاله لحاله واللي بيبكي علي مواله
أهل الحب صحيح مساكين
ياما الحب نده على قلبي ما ردش قلبي جواب
ياما الشوق حاول يحايلني واقول له روح يا عذاب
ياما عيون شاغلوني لكن ولا شغلوني
إلا عيونك انت دول بس اللي خدوني وبحبك أمروني
أمروني احب لقيتني باحب وأدوب في الحب وصبح وليل على بابه
ياللي ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا في حبايبكم أما الحب ياروحي عليه
في الدنيا ما فيش أبدا أبدا أحلى من الحب
نتعب نغلب نشتكي منه لكن بنحب
ياسلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها في عين العشاق
أنا خدني الحب لقيتني باحب وأدوب في الحب وصبح وليل علي بابه
يا اللي مليت بالحب حياتي أهدي حياتي إليك
روحي.. قلبي.. عقلي.. حبي كلّي ملك ايديك
صوتك.. نظراتك.. همساتك شيء مش معقول
شيء خلي الدنيا زهور على طول وشموع علي طول
الله يا حبيبي على حبك وهنايا معاك الله يا حبيبي يا حبيبي الله الله
ولا دمعة عين جرحت قلبي ولا قولة آه آه آه
ما بقولش في حبك غير الله الله يا حبيبي على حبك الله الله
من كتر الحب لقيتني باحب وأدوب في الحب وصبح وليل على بابه
Random Lyrics
- kylie minogue - padam padam (absolute. padam all weekend remix edit) lyrics
- sti - забыл всё lyrics
- cyanna - zavara lyrics
- crab theory - creek of life lyrics
- alldaway dre - kenny lyrics
- amy grindhouse - cum in my eye lyrics
- allegra krieger - low lyrics
- elmer (merel pauw) - ik weiger lyrics
- user2222 - will u still lyrics
- joyless (norway) - overmotets pris (new version) lyrics