a b c d e f g h i j k l m n o p q r s t u v w x y z 0 1 2 3 4 5 6 7 8 9 #

الجوكر - welad el 3am - ولاد العم - el joker lyrics

‫‫[المقدمة]
‫‫أبويا كان تملّي يقول “كعيلة لينا سمعتنا”
ويحكي عن ولاد عمي كوصمة عار في جبهتنا
ولاد عمي يخونوا العهد وعُمر ما كانت دي طبيعتنا
بيأذوا الجار وياكلوا الحق وكل ما ضد فِطرتنا
‫‫أبويا كان تملّي يقول “كعيلة لينا سمعتنا”
‫‫وفي كل عيلة فرع شمال وولاد العم شرا —
جار يا جار السلام ما بينّا بارد
شعبيّا المزاج مزاج مارد
هتهبِّل بقى وتقوم فارد
‫‫(يلّا بينا)

[المقطع الأول]
هات جنود، أجيب جنود
هات خرفان، أجيب أسود
في إتفاق وفي بنود، في سلام وفي بارود
قال يقبِّل ع الحدود فـ قبِّلنا، قام مخضوض
‫‫قال “ده خرق ومش مفروض يبقى كل ده موجود”
لا سلامتها
ما أعيبش عليك، أعيب في تربيتها
‫‫كانت تقولك “مش قد لسعة نار، بلاش تقيدها”
‫‫مش تقولك “إلعب يا حبيبي، أي حاجة في بيتها”
أصل ماما ليها الكلمة وكله بينفِّذ كلمتها

[الجسر]
‫‫they will do it (لا، لا، لا)
‫‫they will do it (ياعم لا والله، لأ)
‫‫they gonna do it (لأ)
‫‫we do a lot for them, and they gonna do it (ده غبي ده ولا إيه؟)
[اللازمة]
عملوا القُبة قلوبهم قويت وبيجرّوا شَكَل
‫‫زمان إتقال “بارليف منيع” وبخرطومين إتَّكَل
يا أسطى إنتو فبركة، بلاش معانا الدكن
يا أسطى إتعمل معاكو الصح بمنطادين ومَكَن
دي لو حكاية في شبرا مش هتبقى سهلة كده
صرفنا ليه تسليح؟ كان كفاية عليكو إفردة
لو لبّينا الندا مش هتشوفوا الشتا
‫‫بنشوف tiktokـات جنود من جيشكو بنقول “إيه ده؟”

[الجسر]
إيه ده؟ إيه ده؟ إيه ده؟ إيه ده؟
‫‫(شايف الـ —؟) يا أسطى الكلام ع البايظ
‫‫(ده بيرقص ده ولا إيه؟) إزاي مقاتل مايص؟
‫‫(الواد وسطه) وجيش إنسحب هايص
‫‫(العيال ما عندهاش —) يا أسطى الجنود عرايس

[المقطع الثاني]
ما تجيش معايا في حكاية عشان جوايا كفاية
‫‫والشعب يريد صهاينة ع الشوّاية (well done)
إفرد ضهرك وإبلع الحباية
ما بأمنش ع الحماية، عندي وسيلة وعندي غاية
حارقك إن شغل البِنية في سينا بقى فخم
‫‫وده خلّاني أقدر في ثانية أقولك “بِخ”
‫‫لو وجودك هامّك، يا إبن عمي نِخ
‫‫ماما بعيدة، مش هتلحق تيجي تقولي “كِخ”
‫‫أنا already ع الحدود برتكز
عشان هارش مخططك النجس
عايز تهجَّر أمر واقع، لأ إحترس
انا أبكس من إللي قالك تبقى بِكِس
[اللازمة]
عملوا القُبة قلوبهم قويت وبيجرّوا شَكَل
زمان إتقال “بارليف منيع” وبخرطومين إتَّكَل
يا أسطى إنتو فبركة، بلاش معانا الدكن
يا أسطى إتعمل معاكو الصح بمنطادين ومَكَن
دي لو حكاية في شبرا مش هتبقى سهلة كده
صرفنا ليه تسليح؟ كان كفاية عليكو إفردة
لو لبّينا الندا مش هتشوفوا الشتا
‫‫بنشوف tiktokـات جنود من جيشكو بنقول “إيه ده؟”

[الخاتمة]
أبويا حكى لنا إن الأرض ملكيتها محسومة
وهترجع تقسيمتها صح، مش زي ما هي مرسومة

- الجوكر lyrics

Random Lyrics

HOT LYRICS