a b c d e f g h i j k l m n o p q r s t u v w x y z 0 1 2 3 4 5 6 7 8 9 #

الشيخ مليك - rap news wahhh [s2 : ep balon البالون] - fada vex lyrics

[كلمات “البالون” للشيخ مليك من راب نيوز واه 2]

[المقطع]
أولا اسمحولي نڨول باش نكونو على اتفاق
الشي لي صرالنا في الألعاب الأولمبية خص ينڨال
التصريحات كانوا بزاف والغموض مازال هنا
من الرياضي والمسير والنتيجة ما فهمنا
والنتيجة كانت ضعيفة، شكون ما كاش في المستوى؟
التحضير؟ ولّا التأطير؟ ولّا الوسائل؟ ولّا حنا
لي ما نملكوا السياسة ورؤية للرياضة
علاش نحضرو للمواعيد ديما في آخر لحظة
رياضيين شكاو بزاف في ڨاع لي ديسيپلين
فوضى كانت في التنظيم، ڨالها وفد الدراجين
كل الأطراف ڨالت كلام والنتيجة هي الدليل
ياك عندنا إمكانيات، ياك عندنا رياضيين
ياك نملكو حنا شباب لي بيّن قادر يدير
مانيش مختص في المجال بصح خصنا نكونو لوجيك
الأمور لازملها إعادة نظر وجهد كبير
لا بغينا الميداليات نستثمرو في هذ الجيل
وهذا يعني خص رجال، خص نساء ضروك في الحين
وخص القرار ينتخذ ويُطبق، يزّي مالقيل
الرياضة ماشي غير الفوت والباقي ڨاع قيسوا بالثقيل
هذا ما كان عندي نڨول وشكرا لي سمعتولي

- الشيخ مليك lyrics

Random Lyrics

HOT LYRICS