a b c d e f g h i j k l m n o p q r s t u v w x y z 0 1 2 3 4 5 6 7 8 9 #

سادات العالمي - mahragan ana | مهرجان أنا - sadat el 3almy lyrics

[المقطع الأول: فيفتي]
مش معقول، مش مسؤول
مش خربان، مش مسطول
اللي عايزني وعايز حاحا كلم سادات العالمي على طول
إديله رن على المحمول
أنا لسه قايم من السحور
ضارب زبادي وجبنة وفول
مش معقول، مش مسؤول
مش خربان، مش مسطول
معرفش حاجة إلا الأصول
معرفش حاجة إلا الأصول
أنا صح الصح، أنا شاب، أنا كوول
معرفش حاجة إلا الأصول

[اللازمة: فيلو]
مش معقول، مش معقول
مش خربان ولا مسطول
طول عمري ماشي أنا بالأصول
معرفش حاجة عن الغرور

[المقطع الأول: سادات]
أنا نصي بيضحك والتاني زعلان
أنا الشبح، الواد فاندام
طيب شرير وجريء جبان
أنا أكبر راجل أعمال
أنا اللي سرح العيال
أنا المصرية اللي إتخانت
أنا الوطنية اللي إتهانت
أنا الدفاتر اللي بانت
أنا الكلام اللي مافيش
يا شاب نايم ع الرصيف
وأنا بقضي مارينا في الصيف
أنا البلطجي اللي فيها
وأنا العسكري اللي بحميها
كلها ماشية عكس بعضيها
كلها ماشية عكس بعضيها
[المقطع الثاني: فيفتي]
أنا راجل غلبان سواق التاكس
وأنا اللي كنت جاي عكس
وأنا اللي كل كلامي هجص
وأنا اللي إيده ع الكلاكس
أنا اللي كنت حزين فيها
وأنا اللي كنت مقضيها
أنا ست عجوزة بعديها
أنا العجوز اللي ع المعاش
أنا العجوز ومافيش معاش
أنا العجوز اللي فيها عاش
وأنا العجوز اللي راح بلاش
أنا طفلة حلوة عكسوها
أنا فكرة حلوة قتلوها
أنا الحقيقة شنقوها
وأنا الرقاصة اللي نقطوها

[اللازمة: فيلو]
مش معقول، مش معقول
مش خربان ولا مسطول
طول عمري ماشي على الأصول
معرفش حاجة عن الغرور
لو كلمة حق لازم أقول
لو كلمة حق لازم أقول
يا ليل يا ليل يا ليلي ليلي
يا عين يا ليل يا ليلي ليلي ليلي
[المقطع الثالث: سادات]
أنا العيلة اللي في الحارة
أنا الثقافة والحضارة
أنا الطفل اللي طالع بيته
في آخر دور في العمارة
أنا اللي مؤهلي صنايع
أنا الشاب الضايع صايع
أنا تاجرت تجارة وما كسبتش
ولعبت لعبة وما خسرتش
لفيت ورحت بلاد كتير
وزي بلدي ما فهمتش
أنا المصري الأصلي الأصيل
أنا دايمًا لبلدي بميل
أنا مشجع في المقصورة
أنا شهيد واللي إتبقالي صورة

- سادات العالمي lyrics

Random Lyrics

HOT LYRICS