a b c d e f g h i j k l m n o p q r s t u v w x y z 0 1 2 3 4 5 6 7 8 9 #

عمار حسني - aghraba | اغربه - ammar hosny lyrics

[المقطع الأول]
دخل من الباب وتربس، علق روحه ع الشماعة ونام
هوا أوضته كان بيخنق صدره فـ كان بيهرب في الأحلام
ما تيجي نمشي، هاخدك ع البساط ونروح لأي مكان
مش عارف دي الهزيمة الكام، بس أنا هتعالج بالأيام
وصدقيني أنا إتطفيت من ناس كانوا نور في عيني
مش هتفرق مين معايا وأنا من جوة مش لاقيني
ومش هتفرق مين قال إيه عشان أنا لوحدي مشفيني
صدقني أنا نفسي أعتزلني عشان أنا كل ما يؤذيني
متغير من فترة، كنت بكدب حالي
كنت كبير عندك لدرجة جبت كل دول بدالي
ما كانش بينا كلام كتير لكنك كنت بتيجي في بالي
دي آخر مرة همسك فيك، وعد مش هتشوفني تاني
ما إختارتش طريقي، إختارتك جنبي فيه
شكراً عشان فكرتني بـ أنا كنت بحب الوحدة ليه
بكرة الأيام تقولك إنت خسرت إيه
عفيتك مني ومن مشاكلي
أشوف وشك بخير

[اللازمة]
في كل حارة في عفريت، العين دي سحر متأمنش
جنية أجني خدتني مني، سابتلي رمش
أنا مش فاهمني ولو فاهم ما بتكلمش
حبة هادي وحبة عادي، حبة صعلوك، حبة نجم
عيون فراش، معرفش بس مين عقربك
كل الجمال ده ووحش؟ أنا بس بستغربك
في الواقع مش هيحصل، جوة دماغي حصل
عارف إننا مش هننفع هنا، نتقابل في أغربة
[المقطع الثاني]
إخسرني عشان أكسبك، ولا أكسب وأخسرك؟
إوعى تسأل إيه غيرني عشان ما أسألش مين غيرك
وسيبني ساكت، بطلت أحكي في حاجات عاشت وماتت
عشت أصون بشر من العيبة وغصب عني الناس دي عابت
في التباس، كانت عايزاني أجني بإيد ميداس
ولو حباني زي الناس، ما تحب حد زي الناس
أنا في المتاهة، في ناس بتعيش وتموت، في ناس جواها
أنا مشيت عشان فهمت إن أنا ما بحبش نفسي معاها
ما كملتش بوجودها وما نقصتش من غيرها
فاكراني إني نسيتها، بس بكرة هنسى إني أفتكرها
ما بنتنفسش نفس الهوا، ده مش نفسنا سوا
دي مش خياشيم وتبقى غشيم لو فاكرها دوا
ده مش موج اللي بينا، إحنا اللي بينا سور
وأنا مش مارد ولا مسحور
ما أملكش غير مصباح مكسور
سيب الأيام تعدي واللي يقول يقول
دي آخر ليلة أفكر فيك
حد يطفي النور

- عمار حسني lyrics

Random Lyrics

HOT LYRICS