فؤاد عبدالواحد - تعلم lyrics
تعلّم ما تعيش إلا على القمه وخلك فوق
أنا وقلبي إذا نعشق شموخ ونعشق القمه
خذيت من الزمن حكمه وخدت من الحياه حقوق
لأن اللي طرف شارع يجي له حد ويلمّه
وأنا بحبك إذا بنظر أخايل للسما وبروق
وأشوفك فوق يا كل الغلا يا تاجه وعمه
وخل اللي زعل يزعل مادام اني عليك أروق
وقيل الدّاب لو طال الزمان يموت من سمٌه
فديتك والغلا بصدري تمايل لك حنين وشوق
وروض العشق يتنفس غلاك وكنك النسمه
شربتك عشق لين ان امتلن في داخلي لعروق
وتشاركنا فرح دنيا وكل ما همني همّه
غلاك اللي سكن قلبي سكن عقلي سكن بالموق
يا كل الحب لو ضاق الزمان برمشي أظمّه
تهجّيت المحبه بك وتعلمت الغلا يا ذوق
كبير إنت ومن يوصف كثير الشوق من كلمه
وأنا قلبي مثل عيني يزيد الشوق لك ويتوق
وقلبي طير في حبِّك فرد جنحانه ولمّه
وإذا مرّيت في سود اللِّيالي جيتني بشروق
تصدِّق ما بقى بقلبي بعد ملفاك من عتمه
وإذا أبطيت أحس صدري مثل دنياي أنا مخنوق
تصدِّق كل هالدِّنيا بدونك يالغلا كتمه
وإذا تلفي مطر شوفك بقلبي أوْرقن لعذوق
وقِسم لي ربّي بحبِّك وحمدت الله على القسمه
Random Lyrics