a b c d e f g h i j k l m n o p q r s t u v w x y z 0 1 2 3 4 5 6 7 8 9 #

كريمي - kimotherapy - كيموثيرابي - creamyy (eg) lyrics

[المقطع]
مُستنزَف ذهنيًا
مُستهلَك، مُدمَّر نفسيًا
لو آخر الطريق ده فيه فرحة، أراهن بقوة وأقول إن الرؤية مش ليا
مية فالمية
الصور مرمية
والذِكرى تطاردني يوميًا
بكره إحساس الندّية
اللي بيني وبين نفسي، دي خسارة حتمية
(طب نرجع نسبيًا؟)
كان في طفل جوا مستني بُكرة جاي بالنور
دلوقتي الطفل ده وأنا لو اتقابلنا هيلعن المستقبل ويتمنى إنه يموت
كنت فاكر العالم رحيم، وبغبائي افتكرت إني حاجة وطلعت مكذوب
والمشكلة لما يتقالك دي أحلى أيام حياتك، اتاريني عايشها بالمقلوب
فا
مش قادر أتكلم أو أحكي عن اللي جوايا، في ضلمة بتزيد
محدش هيغير القدر للأسف، فا بهرب من الواقع أحسنلي بكتير
غبي بكرّر الفعل، وبستنى يمكن يحصل رد غير اللي قبليه
ضلمة مستقبل وضلمة الماضي، أنا واقف وبضحك في نص الطريق
أيوه بضحك واتعودت
كان أول مكسب لما خسرت
كنت حد عاقل واتبدلت
دروس الحياة دي غريبة، مبتتذاكرش، ولو سقطت فيها إنتَ اتعلمت
عرفت إني كنت كومبارس أو زينة
وجم دول طبطبوا، فا غزوا السكينة
قام دول جم حوّروا، وإتقال “مش هسيبك”
هطلع الدخان من عقلي فالمزيكا
طلعت بـ trauma، مش عارف أتكلم مع حد وخايف أحتك بالناس
كان عندي أفكار إني أذيهم، بس لولا تربيتك يا أمي كنت بِتّ في أحداث
مكالمة والشات سايبهم لسه عندي، بفتحهم كل فين، بس لأجل منساش
وبرضه بفتحهم لما أحس بعجز، بتحول تلقائي، ده سحر وإعجاز
في دور البطولة أنا لوحدي تقريبًا
ضميري بيصرخ بيقول: “مش هسيبك”
دماغك بتشيط من الحرق وتفكيرك
ما بقتش بفرّق كابوس أو حقيقة
ودي مش جديدة أنا فعلًا بتجن
قلبي أو عقلي ما بقتش بهتم
اتعامل مع بشر لسه مش مهتم
اتبسطت بالوحدة، وبرضه مش مهتم
ما بقاش في مشاعر، بتعامل كفريزر
متكسر من جوا، ومن برّا machine
الشغف مختفي، ومفيش أي flavour
مكمل بس عشان “أدينا عايشين”
بدعي ربي إن الحال ده يتغير
وإني أقدر أكمل لآخر الطريق
وحلمي يتحقق، أرجع طفل صغير
وأعيد الحياة دي من أول وجديد

- كريمي lyrics

Random Lyrics

HOT LYRICS