محمود عبد الرزاق - akhe - أخي - mahmoud abdelrzaq lyrics
[المقدمة]
ياو، أيوة
ياو ياو ياو ياو
هنا محمود أهو
هنا عزيزي المستمع حيث تأتي الدخلة الجامدة بقى
حيث تأتي بقى إيه الإثارة بقى
حيث يأتي الحلو كله يا حبيبي
[المقطع الوحيد]
beat سلام عليكم، أخوك الراب عالـ
تعرفني من بعيد، عشان مافيش قريب (آه)
أنصت، لتستفيد أنصت
هذا إذ تعيه تنطق من دون لغو فيك
أخي، هنا لا مكان للحمقى
مافيش مجال لصفقة في مجالس المنافقة
وده مخليني لوحدي من فترة
الوضع مش مريح في الصح
عشان كده عظيم الأجر في الصبر (آه)
وأنا عايز صح أكتر
عايز صعب أكتر
ده يخليني أقوى
أخي، مش بالدراع، مش بالمطوة
مش بالكلام اللوح تمشي في الرجولة خطوة
أنا هنا من بدري وجايب مالآخر
والكلام كله عالجد حتى في الوقت الساخر
ألو، الخط ساخن والرصيد ما خلصش
كداب إللي شافني مع صحابي وقال ما بخلصش
كلي لأصحابي وإخواتي وعيلتي وليا
والحلال نصي التاني والولاد بعديا
وده ما بيجيش بسهولة
ومحتاج لسيولة
بس ده ما يوديناش لأفعال مشؤومة
إحنا في الحلو منه، للحلو نسعوا
أعلنا المبادئ الأعداء كتروا
أنصاف الأحبة مشيوا
وإللي إتبقى مش قليل
إللي دايماً كانوا كفاية من أيام ما كنت عيل
أنا إللي ما كنتش مدرك، غشيم
كنت أحسبها بالكترة ومافيش
حاجة بتيجي سهلة وتعيش
والموضوع مش محتاج ذكاء خارق لإستنتاجه
بس إللي واكل ناسه شيطانه بكرة يعري لباسه
أخي مافيش طريق مختصر للفلاح في الدنيا
وإللي مش عايز يستوعب زي إخواته يفوتنا
يعتبرنا في هدنة (يمشي) أنا مش هعاتب
عندي حاجات أولى أهتم بيها وأنا عازب
مش هباتلكو فيها ولا أباتلكوا
ولا مهتم أقتلكوا
ولا هتشمت أما أشوفكوا بتبكوا
بالعكس، كلي شفقة
وده مسببلي عقبة
زي كليشيه البرامج طيبتي كانت عقبة
أخي الدنيا مش بتقف على حد
مش كل التوازن إنك تقف على حبل (آه)
المهم تبقى عارف إيه إللي يفيد بجد
وإن الراحة مش هتودي حتة، لازم جهد
الناس ماليها الجهل، لازم حد يتحرك
لو مصلحناش من جوة هنتاكلوا من برة
لو كله قال مش أنا مافيش حاجة هتبقى سارة
يا سجانين نفوسكوا فوقوا إحنا عايزين نتحرر
الضرر بالغ وبيطولنا والغباوة بتعدي
ما عادش ينفع الغشامة تبقى رد فعلي
مع إن الإستفزاز ماليكو وأذيني
وكل ما آجي أوعي زميلي أحسني بتكلم صيني
أخي لازم تدور تعرف إيه وصلنا لكده
من الواضح كلنا بنعاني من نفس المشكلة
كله حاسس إنه لوحده بيهاتي في الخلا
فيمكن لو حبينا بعض نريحوا نفسنا
[الخاتمة]
هايل، هايل يا فنان
إبقى قابلني إن شاء الله
Random Lyrics