محمود عبد الرزاق - el tas3a - التاسعة - mahmoud abdelrzaq lyrics
[المقدمة]
السلام عليكم أخي العزيز من تاني بقى راجع أهو
بس المرة دي عايزين شوية حنية بقى
طبطبة بقى إللي يزعل نديله منديل
عشان الكلام ألا هيبقى تقيل
ياو
[المقطع الأول]
ما تكلفناش أما كل الباقي إدَّعى
وجه في دماغي الهرب أما طالنا التعب
ودوقنا المُر وخدنا حظنا من التعس
فالإجراء المتخذ إبعاد كل إللي نعس
هنا زي ما في دراما الآن في دراسة
من بعد الكراسة زادت الفراسة
أخي لسه عندي الراب في أفضل إطلالة
بنغير العالم، تأثير الفراشة
النبرة قاتلة، هذا ما قبل العاصفة
والتصفية خاطفة عشان كُلِّي عاطفة
مافيش مكان عليا تيجي فيه، الوجهة خاطئة
عشان أنا بحري إسكندرية وأبياتي قاهرة
ولد أنا راحت مني بدري بس رجَّعتها
والأفكار إللي بتقولي أقتلكوا أنا فزَّعتها
في صفات أنا خلَّعتها وحاجات ولَّعتها
ناس ما جتش في وقتها غصب عني وجعتها
أخوك الإنسان أغلى من الدهب، لسه عنده شعور
لسه فيا النفس، أخوك لسه عنده شهور
عم الكل ع البارات بلا أي فخر وغرور
ما تعملش عنطوز ع إللي حاضر الطهور
[اللازمة]
صحابي هنا في بساطة
البيت لأخوك الشوكولاتة
هنا حيث المتعة والإثارة
حيث لا يُفلِح كيد المكارة
مين زي أخوك في المهارة
محمود الإنتاج والإدارة
بالمتاح مش بإستفتاح النكارة
أحسن واحد راب موجود يا حارة
[المقطع الثاني]
ما أحبش الرمة، ما عاملوش ع الذمة
ما صدقوش في كلمة ولا أزاملوش في قمة
ولا أزاولوش في نص بار ولا أديلُه قيمة
ما أصدرلوش الهادية ولا حتى الغشيمة
أعلى ليڤل فيها وأنا بنافسني بتعب
برة عنكوا أنا بسعى يا مجال بلية والكتعة
بعد تمن مرات إستغراب إزاي راجع تاسعة
ناس عايزينك من الميتة، ناس حية زي الأفعى
الشر برة وبعيد وأنا بخاف من الوعيد
الصوم عنكوا بعده عيد حتى لو هبقى وحيد
ما أحبش أبقى وحيد بس ما أحبش كواحيل
مجال ماليش في نواحيه، زهدت الهوا فيه
أنا مش هعمل الواجب لو كان إحترامكوا
لو كان فيكوا رامبو أنا كنت إحترمته
أخي ما حدش فيهم لأجل الشهرة صان كرامته
والدناوة داء لكن الحمد لله أنا فرمته
[اللازمة]
صحابي هنا في بساطة
البيت لأخوك الشوكولاتة
هنا حيث المتعة والإثارة
حيث لا يفلح كيد المكارة
مين زي أخوك في المهارة
محمود الإنتاج والإدارة
بالمتاح مش بإستفتاح النكارة
أحسن واحد راب موجود يا حارة
[جسر]
مين زى أخوك في اللعبة
مين زي أخوك الدولة
مين برقم واحد أولى
غيري ولا واحد أولى
أخوك الإدارة في التاسعة
أخوك بيعلي المنافسة
أخوك بيدوَّق غيره العجزة
أخوك الراب من غيره في عتمة
[الخاتمة]
صحابي هنا في بساطة
صحابي هنا في حرازة
صحابي هنا في طلاقة
صحابي هنا في إرادة
Random Lyrics
- esta. (producer) - feel safe lyrics
- mayør - glisser lyrics
- katozai - ok cool lyrics
- goddess fiji - worldwide lyrics
- the woodworks - compunction lyrics
- somostda - vueltas de un loco lyrics
- david iris - h-a-m-t-a-r-o! (hamtaro opening 2) lyrics
- glitterpop! - all my frens r rainbowz, but i'm still dead inside!!! lyrics
- thesalmonwriter334 - serbian destruction. lyrics
- toledo - snow day lyrics