نورا - ana nefsy artah - أنا نفسي أرتاح - noura (eg) lyrics
[المقدمة]
النهاردة أبو قلب طيب
تعصره ينزل آهات
وأما يشكي من همومه
يحسبوه ضمن العاهات
وأنا كل يوم بشوف قصص
وبعيش وبسمع في حكايات
[المقطع الأول]
وأنا حملي تقيل
مع ذلك برضه أنا لسه بقول الصبر جميل
والحمل إن كان مال بيا أنا برضه أصيل
هتحمل حتى لو الشدة إتقلبت مواويل
حظي أنا معكوس
أنا أحلى ما فيا يطوله اليأس ويضرب بوز
أنا حيلتي يا دوب عزة نفسي وعاملة بروز
والدنيا بقت جاية عليا كإن أنا منبوذ
[اللازمة]
أنا نفسي أرتاح
والهم يسيبني ويبعد عني بقى وينزاح
ولا حضن حنين حسيته إلا سابني وراح
حتى الأيام اللي بعيشها ما فيهاش أفراح
أبعد لمكان
ما أعرفش أبتدي من فين تايه وماليش عنوان
أنا صورة بألوانها الباهتة في برواز أحزان
أنا زي ما أكون واحد ملبوس ومخاوي كذا جان
[المقطع الثاني]
أنا ياما قسيت
وقابلت كتير في حياتي جروح لكن عديت
وشربت المر بشكل يضر أما إتذليت
أنا عايش تعبان في الدنيا من وقت ما جيت
حلمي إني أبان
والدنيا تحن شوية بقى ويبقالي مكان
وبقول ما يهمش كله هيجي لكن بأوان
والفرح أما عرفت طريقه قفل الدكان
[اللازمة]
أنا نفسي أرتاح
والهم يسيبني ويبعد عني بقى وينزاح
ولا حضن حنين حسيته إلا سابني وراح
حتى الأيام اللي بعيشها ما فيهاش أفراح
أبعد لمكان
ما أعرفش أبتدي من فين تايه وماليش عنوان
أنا صورة بألوانها الباهتة في برواز أحزان
أنا زي ما أكون واحد ملبوس ومخاوي كذا جان
Random Lyrics
- o.l.d. - thug lyrics
- half of a rainbow - encore: nightclubs in heaven (live in berlin) lyrics
- half of a rainbow - charlotte in tokyo (live in berlin) lyrics
- fresh dumbledore - fresh lyrics
- vice (tur) - unstoppable 2 lyrics
- tae-john - no time wasted lyrics
- demxlisher - city is killin me lyrics
- lepisa - janela lyrics
- basedtank - новогодние сказки lyrics
- esas cosas - errores lyrics