paulin nuotclà - nüglia & ingün lyrics
d’alch varts our da qui’ingio ch’ingün mai nu va
là nu daudast ün tun, là nu vezzast ta chà
là nun esa mai tard o bod
là nun esa mai fraid o chod
là guardast per terr’e nu vezzast il fuond
là sbrajast e nu daudast ta vusch
là guardast amunt e nu vezzast il tschêl
gnanc’orma dalöntsch o dastrusch
nüglia nu’t regorda vi dals fats dad her
ingün nun es ultim o prüm
e quist tuot insembel es il muond da nügli’ed ingün
nügli’ed ingün sun ils meglders amis
tuots chi lessan savair sco chi p-ssaintan lur dis
i vain pretais chi sia dapü
tanter dad ês sco püra virtü
mincha daman cur cha’l sulai es in trais-cha
vain nüglia da quai scuz davant chà
guard’ain’t il tschêl, tegn’ün daint ain’t il vent
marmuogn’alch suot vusch e va
ingün vain sün porta cun ögliers da sulai
vezza cha tschel es svani
s’fa luot our d’la puolvra:
l’istorgia da mincha di
laschain star a quists duos in lur pajais striunà
i dà millas da vias per tuornar darcheu là
per chi chi ha bsögn da savair e nu crajer
per chi chi ha bsögn da far chastês ain’t il ajer
tü tils poust insc-ntrar dapertuot o ninglur
sta be attent chi nu scuvrischan ta fom
i’t raintan cun pleds e t’ingionan cun fats
e l’ultim at dana lur nom
schi’t vegnan pels peis, guarda tais speravia
vezzarast chi svanischan sco’n füm
e quai es la raschun chi’s nomnan nügli’ed ingün
Random Lyrics
- shinhwa - heaven lyrics
- ماجد العيسى - هواجيس lyrics
- sins of sincerity - buried beneath the leaves lyrics
- jasmine rodgers - shaping up to be lyrics
- almighty u-sorcerer - animal [remix] lyrics
- alexandra savior - mirage lyrics
- scylla - lettre d'excuse au père noel lyrics
- olexesh - vom subway in die charts lyrics
- бикей дeкaдa - токио (tokyo) lyrics
- dmam - podré volver lyrics