qntal - unter der linden lyrics
under der linden
an der heide,
dâ unser zweier bette was
dâ mugent ir vinden
schône beide
gebrochen bluomen unde gras.
vor dem walde in einem tal,
tandaradei,
schône sanc diu nahtegal.
ich kam gegangen
zuo der ouwe:
dô was mîn friedel komen ê.
dâ wart ich enpfangen,
here frowe,
daz ich bin saelic iemer mê.
er kuste mich wol tûsentstunt,
tandaradai,
seht wie rôt mir ist der munt!
dô het er gemachet
alsô rîche
von bloumen ein bettestat.
des wirt noch gelachet
inneclîche,
umt iemen an daz selbe pfat.
bî den rôsen er wol mac,
tandaradei,
merken wâ mirz houbet lac.
daz er bî mir laege,
wessez iemen
nu enwellen got!, sô schamt ich mich.
wes er mit mir pflaege,
niemer niemen
bevinde daz, wan er und ich,
und ein kleinez vogellîn:
tandaradei,
daz mac wol getruiwe sîn.
Random Lyrics
- a life divided - matter of sight lyrics
- yg - i'll do ya lyrics
- planetshakers - holding on lyrics
- yuca - touch lyrics
- rockie fresh - they don't understand why remix lyrics
- alex goot - safe and sound lyrics
- jeremy horn - sons and daughters lyrics
- dawn richard - nlx lyrics
- mountain goats - ice cream cobra man lyrics
- rapsody - in the town lyrics