robert raphael - anhedonia lyrics
[verse]
جيبت الناهية
يغور الحب في داهية
طول ما النفسية حلوة و الدماغ رايقة و زاهية
انا كلامي كتب و انتوا كلامكم سطور
الف واحدة تيجي لما واحدة بس تغور
الاحساس بيجيب صداع فبسرعة قومت لاغيته
عمر ما حب عمري ضاع لأني عمري ما لاقيته
من كلام كل يوم مستمر بالساعات
لمجرد معايدات في اوقات المناسبات
ليه بتئذي من الناس اللي عمري ما اذيتها؟
ليه بفتكر الحاجات اللي ماصدقت نسيتها؟
مابقيتش عارف انا عايش في انهي دنيا
anhedonia مابقاش عندي مشاعر، شكلي عندي
مافيش اي حلو كمل ولا فرح تم
فوفروا الكلام عشان انا مش مهتم
كلماتي عمرها ماكانت معاكوا طليقة
عشان مالاقيتش نفسي معاكوا بس لاقيتها في الموسيقى
هزاركوا بقى تقيل، فانا مش هتكلم غير بجد
انا بشتري نفسي مش بشتري خاطر اي حد
مع مرور الوقت و لما عدت بيا السنين
اكتشفت ان انا كنت بحب مرضى نفسيين
و ارجع برضو اقولها تاني على رغم اني قولتها
انتوا ليه بتبتدوا حاجة انتوا مش قدها؟
حاجات كتير خبيتوها بس برضو عرفتها
من وقتها اعتبرت اللي مابيننا انتهى
احلام مخلياني مش عارف انام
الام احساسها عمره ما هيتوصف بالكلام
في حاجات كتير جوايا عمرها ماهتتفسر
حالتي النفسية بيكوا عمرها ماهتتأثر
بحاول ابني تاني كل اللي انتوا هديتوه
بكتب الكلام لنفسي، طز في اللي بتحبوه
كل اللي فات مات خلاص فياريت تنسوه
انا بقيت واحد تاني غير اللي انتوا تعرفوه
بجد نفسي امشي و ماحدش يمسك فيا
عشان تعبت من كل العقول الغبية
العيشة بقت فقر لما الناس بقت فقرية
عملت كل اللي عليا، فين دلوقتي اللي ليا؟
اي ضحكة معاكوا كانت مجرد بس مجاملة
و اي حقيقة في يوم قولتوها عمرها ماكانت كاملة
فانا من ساعتها قررت اني اغير المعاملة
خلقي ضاق و النفسية بقت زي الزفت عاملة
التجريد من الإنسانية ابتدا جوا الرؤوس
لما الناس بقوا مكن شغال عشان يجيب فلوس
و ياريت المكن سليم، دا مافيهوش تروس
مستحيل حد يشتريني او عليا يدوس
بحاول اعيش الحياة اللي انا نفسي اعيشها
انا اللي رتبت الحاجات اللي الواقع نعكشها
اي دماغ غبية بعد كدا هروح داششها
عصبيتي بقالها فترة كبيرة عنكوا انا حايشها
بضحك على اللي فاكر انه يقدر يلوي دراعي
و اللي فاكر اني فاكره حتى لو في عقلي اللا واعي
فمالوش داعي انصحكوا، الحكمة مش نافعاكوا
و اي ذكرى لينا مش حاببها تتدفن معاكوا
رأيكوا مش مهم، لو اتجرحتوا، مش هاممني
مش هستنى اشوف رأي كل واحد بيشكلني
انا شكلي بالنسبالكوا عمره في يوم ماكان شاغلني
مابقيتش احب القعدة معاكوا عشان بقت تقفلني
انتوا ازاي بتحبوني و انتوا مليانين جحود؟
مستغني عن حبكوا ليا اللي اصلا مش موجود
و دلوقتي الوقت جيه اني اقولها بمنتهى البرود
و مش هندم على اللي قولته لحد مايجي اليوم و اموت
اديتكوا الف فرصة، انتوا اللي مش بتفهموا
خلاص الوقت فات، جايين بعد ايه تندموا؟
كدا كدا هكمل حياتي بيكوا او بغيركوا
فانتوا اعتبروني ميت زي ما انا معتبركوا
Random Lyrics
- zynthesiren - koukatsu (english) lyrics
- sugardaddy superstar - drunk lyrics
- itaat - mesafeler lyrics
- юг 404 (ug) - дисс) (diss)) lyrics
- 1loyal - forever young lyrics
- вокруг шеи (vokrug shei) - sdohni lyrics
- ck sizzy - pocahontas (intro) lyrics
- lyf the rapper - credits lyrics
- paraçek & cargo - sexy lyrics
- dragana rožić - oprosti joj, bože lyrics