robert raphael - e5tyar egbary lyrics
[verse]
سكة طلعت غلط، على طول بروح راجعها
في كلمات مابتطلعش، فبروح بالعها
و في كلمات بتطلع، للاسف بكون سامعها
خطواتك متابعها و انت بتتسلق القمة اللي انت مش قدها، لحد ما في الاخر روحت واقعها
تمن حاجات كتير، انا اللي بروح دافعها
في حاجات كتير كانت السبب في انهياري
حاجات كتير بعملها، مع انها مش اختياري
لازم تبقى من الناس اللي ماسكة فلوس في ايديها
و تشتغل اي شغلانة، بس تكون مجبر عليها
انت حالك عامل زي برج بيزا
ايه لازمة الحياة و هي مافيهاش اي ميزة؟
عمر ما نفسيتك راقت ولا بالك هدي
سلسلة نجاحاتك خلصت قبل ما تبتدي
لازم كل خطوة تبقى دايما متحددة
فين الشجاعة لما تبقى بين اسود ميتة؟
في ناس تخلي حياتك ليل مابيطلعلوش نهار
عادي، ما شياطين الارض اكتر من شياطين النار
باب الصح واحد، و للغلط الف باب
الجهل في التصرفات، حتى لو قاري الف كتاب
انك تموت نفسك كل يوم، دا شئ اكيد
بمعنى تموت الانسان الخاطي و تصحى انسان جديد
خليك دايما الشخص اللي قيمته زي الفضة
ماتكونش زي الشخص اللي تلاقيه يومين و صدا
خليك رغيف العيش، ماتكونش زي الردة
جمد انت قلبك، ماتستناش الخضة
ركز انت كدا، مين زودك، مين اللي فضى
لو شايف كتير قدامك، بص على اللي اتقضى
كل حاجة بتعدي عشان احنا اللي بنتقدم
كل حاجة بتبقى سهلة عشان احنا اللي بنتعلم
حاجات كتير بجربها، بس مابتنفعش
بس انا زي الزمن، يتقدم مابيرجعش
ساعات كنت بفكر، مين فضل و مين اللي ساب
ساعات دخلة البيت كانت بتجبلي اكتئاب
ساعات بقعد افكر، مين لما احتاجته غاب
ساعات بقعد ارجع كل طموح و شغف داب
من كتر الكتابة، القلم بقى في الورقة غارز
عشان كدا كل اما اكتب دايما تلقى كلامي بارز
دايما بكتب عن اي حاجة مش عاجباني
مع انها مش هتفرق بس برضو مريحاني
شوف كام مرة كام واحد قالك هيفضل، و اختفى
شوف كام واحد اداك رقبته، بس في الواقع اداك قفا
شوف كام مرة قلبك اتكسر، بس برضو اتشفى
شوف كام حضن مزيف خدته ماحسسكش بالدفى
بطلت اضيع وقت مع ناس مابيعرفوش يتناقشوا
فبقيت اسرح في الحلم اللي انا جوا دماغي ناقشه
باصص لقدام، مافيش حاجة تتشاف ورايا
ورا في كدب، نفاق، سرقة و خناق، كل الخطايا
بيكلموني عن الاخلاق و هما كاسرين العشر وصايا
بس بيمثلوا دور الضحايا
ومن ضمن حاجات مابتتاخدش في المدارس
انك تعرف الاسرار بس تفضل ليها حارس
اختيارك لكليتك، مجموعك حددهالك
التكوين بتاع شخصيتك، مجتمعك كونهالك
و طول ما الجهل لسة ساري
و لسة الظلم فينا هاري
فأي اختيار هتاخده، هيبقى اختيار اجباري
Random Lyrics
- driver eleven - 23rd and i lyrics
- cherry animals - this is the place lyrics
- davide amati - sexy sceriffa lyrics
- measora - безбаб (withoutwomen) lyrics
- bum (can) - i hardly breathe lyrics
- rey morado - kangaroo jack lyrics
- dede (antwan) - pee lyrics
- someone oddly agi - fallen outta luv lyrics
- petro allegro - stars x estrellas lyrics
- paranoah, king gordy - saw in you lyrics