a b c d e f g h i j k l m n o p q r s t u v w x y z 0 1 2 3 4 5 6 7 8 9 #

robert raphael - el moot lyrics

[intro]
اوقات بحس اني في عذاب
اوقات بحس اني في جهنم
اوقات بفكر في الحساب
اوقات على كل لحظة بندم

[verse 1]
لما اتأملت في الحياة، مالاقيتش لأي حاجة سعر
فقررت اني اسيبها و اقعد اكتب في الموت شعر
اموت دلوقتي بدل ما افضل في الحياة و اعجز
و ابقى دايما مش مركز، و افضل جوا البيت مأجز
انا مش مرتاح في البلد، ولا مرتاح في البيت
نفسي يجي اليوم اللي اكون فيه انتهيت
نفسي بقى قلبي يبطل يدق، ياريت
قالولي اجتهد هتلاقي، اجتهدت، بس هل لاقيت؟
بسأل نفسي كل يوم، ليه الموت ناسيني؟
نفسي يفتكرني بدل ما الحياة بتئذيني
بأي طريقة ينهيني، او حتى يقصر في سنيني
بدل ما الحياة على طول من المر بتسقيني
رحلة الحياة، بالنسبالي، اوحش رحلة
كل يوم بيعدي عليا، في عيني الموت بيحلى
كل عصب جوا جسمي، اتوتر و فلت
كان نفسي اكون الطفل اللي مات اول لما اتولد
بعد ما اتكلمنا، قولي ايه اللي فرق؟
كل يوم بيبقى اوحش، حتى دمي كله اتحرق
البلد دي، التعامل فيها مابقاش انساني
اوحش حاجة في النوم اني بصحى منه تاني
[bridge]
نفسي تكون دي اخر مرة اصحى فيها
نفسي تكون دي اخر مرة اتنفس فيها
نفسي ماقومش من النوم
نفسي النهارده يبقى اخر يوم

[verse 2]
كام واحد اتكتب عليا في يوم اني ازامله
كام واحد ضحكتله، لمجرد اني اجامله
كام واحد قيمته صفر، بس برضو بيتقامله
كام واحد عقله باظ من الكلام اللي بيتقاله
كام واحد في حاجات معاه عمرها ما كانت ليه
لكن انا، الموت اللي نفسي فيه، مش لاقيه
محبوسين في البلد، زي الكلاب في الاقفاص
بتمنى الموت عشان شايف فيه الخلاص
اللي في الجيب، اتصرف
و اللي كان معدول، انحرف
اتشائمت، بمعنى ان انا باصص لاللي جاي بقرف
تعب و مجهود طول اليوم على مافيش
فكرت اروح للموت بما انه مابيجيش
الراحة بالنسبالي، مش كام كلمة في ميكروفون
الراحة بره البلد، بره العالم، بره الكون
كل النور بقى ضلمة، و حتى كل الحلو فسد
نفسي بجد يجي وقت الخروج من الجسد
دايما لابس سماعاتي
قاعد اعد انا في ساعاتي
بحفر قبري بدراعاتي
لحد ما يجي يوم وفاتي
نفسي الوقت يجي اللي اتحط فيه جوا التابوت
عشان ما اسمعش اي حاجة تاني، الا السكوت

- robert raphael lyrics

Random Lyrics

HOT LYRICS