a b c d e f g h i j k l m n o p q r s t u v w x y z 0 1 2 3 4 5 6 7 8 9 #

samoerai - retrospect lyrics

kzien geboren in de joarn 80, upgegroeid in de 90’s
van vanilla ice tot ice cube en ice+t’s
sega megadrives, en de super nes, gameboys
p+magazine en de penthouse, playboys

we keken ol no de simpsons en friends
no family matters, no full house en de fresh prince
dragon ball z en de mighty power rangers
up e gegеven moment woarn w’ol skaters

wе speelden tony hawk up de playstation
we luisterden no walkmans, tis tijdreizen
ok ik were peizn an de tied van flippos in me chips
en de schalkse ruiters up tv, tis nie voe nix
dat me homies soms nostalgisch were peizn an de tied
woarin da olles nog oenschuldig leek, realiteit
wos voe de meeste mor e woord da af en toe mo kwam paseren
terwijl daw de meeste tijd in uze fantasie spendeerden

soms kiek ek were no’t verleden
nostalgisch, zoender e drang van der no weer te keren
kzien zo content dakt en gekend
mo nu ziek in et nu, en moek leven in ieder moment

toen dakke joenger woarn zat ek olle dagen ant et plein
met de vaste homies chillen an et basketbalterrein
men eerste raps testen up wa beatbox van moatn
en voe t’eerst investeren in eigen vinylploaten

kwos gegreven van dag 1, dak hip hop leerde kennen
vanaf da moment ak elk moment de drang voe wa te pennen
kschreven teksten, deedn battles lik ol wos ek ol e grafgraver
en namn men eerste tracks up in me slapkamer
de tienerjoaren en iets magisch en unieks
je wordt verliefd up de muziek
nog meer dan dat dervoorn et geval wos, je identificeert je nu met e doel
of een of ander stroming woabie daj je goed en veilig voelt

der wordt zoveel bepaald tijdens die episodes
der is zoveel richting ant leven gegeven in die periode
ik zien dankboar voe de dagen dak gekend en in me jeugd
want der an peizn up momenten lik dendezen doe me deugd

is olles zoveel anders?
ist ik die zie veranderd?
wost ol ossan zo complex?
of ist logisch dak et zaligmakende gevoel missn

kmoetn vorut kijken
enkel nu is van belang
dus ok ik af en toe no vroeger weregriepen
ist omdak ik innerlijk soms de onschuldigheid verlangn

soms kiek ek were no’t verleden
nostalgisch, zoender e drang van der no weer te keren
kzien zo content dakt en gekend
mo nu ziek in et nu, en moek leven in ieder moment
soms kiek ek were no’t verleden
nostalgisch, zoender e drang van der no weer te keren
kzien zo content dakt en gekend
mo nu ziek in et nu, en moek leven in ieder moment

- samoerai lyrics

Random Lyrics

HOT LYRICS