a b c d e f g h i j k l m n o p q r s t u v w x y z 0 1 2 3 4 5 6 7 8 9 #

samoerai - tijdelijk lyrics

Loading...

misschien ziew ollemale tijdelijk
nie vele meer dan e toevallige expressie
mo geloven in iets spectaculairder is zo verleidelijk
dus kieken we vorbie de dagdagelijkse impressie

misschien is olles mor e flits
e korte vingerknip in et oneindige
mo da moment dat olles roend je tope klikt
kun we et maximale treffen in et weinige

van woa ziek ik afkomstig, en zit er wel e reden achtert leven
of moek ik der e betekenis an geven
dakke da nie zeker weten wit ek zeker, wuk volt er te presteren
ist er wel iets te bereiken of ist ollemale even

van belang, soms zit ek met de drang voer et te weten
ander dagen zit ek juist met e verlangn nor et verleden
ek gin band mi met et heden, gin plan
ist angstig manouvreren en ek moeite met actie te ondernemen

want kzien bang, dat elke stap dak platsen de verkeerden is
en tis nie juste druk van butenaf of angeleerde stress
tis zo daj soms olene zit, olene ziet
en toen beseft daj int grote geheel verdwijnt, daj kleine ziet

daj eigenlijk nie meer zit dan e blip in et gigantische
verhaal dat rond je hangt, gin zicht up et romantische
en heerlijke aspect, dat af en toe nie te negeren is
mo die ook met momenten nie aanwezig is, vergeten is

de reden is nie ossan even duidelijk, woarom
zieje soms zo overtuigend, ander dagen doofstom
voe de stemme van de stilte, en liek et vuur gedoofd
en is de situatie tussen beide oorn utvergroot

ist van nature dak die vragen stellen
woa dat er zelden mor een antwoord up is, en zient me zaken wel
soms peis ek dak liever a nix mi zoe wiln peizn
want oe meer dak vragen stellen oe meer vragen dan der rijzen

misschien ziew ollemale tijdelijk
nie vele meer dan e toevallige expressie
mo geloven in iets spectaculairder is zo verleidelijk
dus kieken we vorbie de dagdagelijkse impressie

misschien is olles mor e flits
e korte vingerknip in et oneindige
mo da moment dat olles roend je tope klikt
kun we et maximale treffen in et weinige

dus gelijk wat dat er komt moek kunnen vetrouwn up et gegevene
me kinnebak no boven en men eigenheid verdedigen
men handdoek nie azomo in de ring smietn ot mislopt
mor investeren in e tijdelijke pitstop

kzien p+ssed op mezelvn up die dagen dak de kracht missen
voe me te erpakken okke massas in e zak zitten
tis hatelijk o je lik zelve gin controle vient
voe stappen te kunnen zetten oj onzeker of gebroken ziet

ist er voe olles wel e reden
et et wel zin voe nog te leven
woarom zoek moeite moeten steken
in de zaken ok der af en toe geweune nie wiln zien
misschien is olles onbelangrijk
en rak ek oois nog wel men angst kwiet
en moek vertrouwn en in de kracht die
verborgen zit toet an de dag dakke em were vien

kzoent nie kunnen zeggen, mo ok nie wiln imploderen
moek proberen voe de twijfels in me te elimineren
en zest up de slichte dagen trachten positief te leven
wetende dat wel in orde komt ok mo nie upgeven

ol ziek ik ier mor even, ist er zoveel te beleven
dus ik meugen ier me kop nie loatn angn
want oe dak ik me telkens gedragen en de zaken beredeneren
stoa gelijk an de gevolgen dakke dagelijks gon vangn

misschien ziew ollemale tijdelijk
nie vele meer dan e toevallige expressie
mo geloven in iets spectaculairder is zo verleidelijk
dus kieken we vorbie de dagdagelijkse impressie

misschien is olles mor e flits
e korte vingerknip in et oneindige
mo da moment dat olles roend je tope klikt
kun we et maximale treffen in et weinige

- samoerai lyrics

Random Lyrics

HOT LYRICS

Loading...