satti - nossain nassin | نصين نُصين lyrics
[“كلمات ساطي “نصين نُصين]
[عينة اقتباس 1]
لا تجالس أنصاف العشاق
ولا تصادق أنصاف الأصدقاء
لا تقرأ لأنصاف الموهوبين
لا تعش نصف حياة ولا تمت نصف موت
لا تختر نصف حل، ولا تقف في منتصف الحقيقة
لا تحلم نصف حلم، ولا تتعلق بنصف أمل
[المقطع الأول]
بطلت عارف اذا بحب هالمدينة كاني محبوس
الرسمة صعبة بطل في اشي بالصورة مدروس
كل ما اوصل مكان بفوت بحكولي محجوز
بستنى بس العجلة مكانها بتلف كيف بفوز
مش رح أكذب اشي جواي بتهمو الفيوز
لما بنحرق دمي على اللي بعملو بغير الفيوز
بس عشان اكمل شغل بعرف بديش اوقف
مع انه في اشي بقلبي بحكيلي ولك شلف
فاهم كيف وقديش فايت بالحيط في حرب جواي
غرفة تعذيب في كثير صوت صياح مفيش حفاي
اعض عليها صارت ترن ومش قادر ارد عليها
بتمد ايديها بحاول افك الحبل اقرب عليها
فضيت الغرفة فوتتني بجو حسيت كاني بغربة
زي كاني بصحرا ضايع وبفكر لو معي قربة
عطشت قد ما تفيت حاسس اني خلص نشفت
مزبوط سمعت حالي شو حكيت بصراحة خفت
[عينة اقتباس 2]
إذا صمتّ.. فاصمت حتى النهاية
وإذا تكلمت.. فتكلّم حتى النهاية
لا تصمت كي تتكلم، ولا تتكلم كي تصمت
إذا رضيت فعبّر عن رضاك
لا تصطنع نصف رضا
وإذا رفضت.. فعبّر عن رفضك
لأن نصف الرفض قبول
[المقطع الثاني]
اه الحياة صارت مرة حتى جوا مصنع سكر
كل شي اختفى بيجو بحكولي مش قادر اتذكر
خلص مخي سكر صار مزاجي بسرعة يتعكر
جبت علامة كاملة وبيجي حدا عليك يتشطر
عشان هيك بتخدر بصفن وبضيع كثير وقت
صحيح جبت تخت بس النومة صارت زي البخت
بتقلب مع ثلث اربع مخدات طار النوم من راسي
اذا صار وحلمت بصحى خالصة المية بكاسي
بكون غرقت بالعرق وبكمل اليوم على قلق
بتعرف شعور تكون بغرفة فيها قزاز وشايف حدا انخنق
برجع بفكر بنفس الحرب مش سامع اشي بس ايدي على ذاني
متوتر بهز اجري واغلب الوقت شادد على سناني
انساني بس طلع معي تصرف حيواني
مسكت فرشاي لما غطيتها بالكاسة طلع حيةبالواني
هية وين بالقلب مع انه الموجود نصه
تخربطت لما كتبت قرات فتغير علي نصه
[عينة اقتباس 3]
النصف هو أن تصل وأن لاتصل
أن تعمل وأن لا تعمل
أن تغيب وأن تحضر
النصف هو أنت، عندما لا تكون أنت
لأنك لم تعرف من أنت
النصف هو أن لا تعرف من أنت
ومن تحب ليس نصفك الآخر
هو أنت في مكان آخر في الوقت نفسه
Random Lyrics