scorpion - مخربطة lyrics
1000 ميل تبدا بخطوة
مي بروبلام راني في هبطة
كلما نزيد فلافيتاس
الزمن قدامي يزيد يبطى
حياتي كي صورة في اطار
مالبعيد تبانلك حطة
كلما تزيد تتمعن فيها
تعرف بلي راهي مخلطة
حتى وتجري تبقى روطار
حلامك ريتاتهم الشرطة
راسك ينهز معا النوطة
لي غادي دخلك في ورطة
بين النقطة وبين السطر
مزال يلعبو بيا وسطى
راب عند رجلي كيما الطابة
يجي نهار نتيريه برا سطاد
كامل نحوسو على الخطة
لي نبدلو بيها الخريطة
حياتنا صرالها كي ميزور
محصورة بين خبطة وخبطة
حتى الجايح ويشطار
يفطن كي جي فيه الزهطة
مام كي تحك عينيك مليح
تبقى تبانلك بلي مخلطة
قاع واش بنيت في حياتي
ريبتها بلادي بماسيطة
كلما فاليل نعاسك طار
تتعاود نفس الكاسيطة
كوشمار عليا راهو مسيطر
كل رقاد نصح بعيطة
راصي ماهو حاب يتخطى
حتى مشاكل البسيطة
على حلامك لازم تشطب
ينغلقو بيبان كي جي طبطب
لي في وجهك يرطب
في الغفلة جراحك يعطب
شحال من صفحة لازم تتطوى
كلما تغيير عليك يطرأ
شحال من يمات جازو طوال
نزلت من عينك شحال من قطرات
قلب القاسح عمرو لا يطرى
كبر بيها كشغل فطرة
علاش تقنط من مولاك خطرات
ياك هذي أقدار مسطرة
وقت يجري ونتا تماطل
تبقى مع تخمامك العاطل
عشنا وين باطل ما يبطل
الشر في دور الباطل
متهرب مالواقع مام تزطل
يبقى لبلاء عليك يتهاطل
مزالني نشوف فالظلمة
كلما على مستقبل نطل
هموم على ظهرك تشبط
الجناح لي طير بيه يتقطب
كلما نحلها تزيد تتربط
من باس حياتي حابب نهبط
كثرو لجراح باقي نخيط
كاره لبلاد فيها محنط
عشقنا الظلمة كيما الوطواط
تحت ضو قمر قطعنا اشواط
ربي لبلا عليك يسلط
باش يرجع الى السراط
حنا كملنا في هذي الطريق
مالقري الحجرة راهي فالسباط
مزال حاكمنا الاحباط
القعدة فالبلاد تزيد تسماط
سناني تخباو وجهي تزبط
نقلع لاوربا طريق خط
دنيا عطات للي يعطي
بلاد الحثالة وخرطي
شحال من حمار دومان خاطيه
الشمس بالغربال يغطي
حاجة الغالية تبقى فالباطن
كيما القلب فالصدر قاطن
كلمات خفيفة تحسها طن
تخليك طول الليل فاطن
تصح والواقع فيك ينطح
والمورال راه في انبطاح
كي طلع الزيقو لريسانكم
حنا كنا طلعنا لسطح
مالتكرار راصك يسطر
نعاسو طار لي تخمامو طال
صابر روحو فاتو القطار
ضروك راهو مسامي القواطة
صاحبي الطلعة غير فالفيطو
يطرطقوك حتى وتكون بالبيطو
تشوف ألي عايش في قصور
عقلو فوضاوي في قيطون
كلما نور جديد يسطع
حاجب تاعي يزيد يطلع
ألي في رزق خوه طمع
وهذا في ذاك يقطع
غاشي غير للواد طبع
تمنكير فيهم ولا طبع
مكانش الي خير لخوه عطى
غير الي فالصلة يقطع
مالقري فيا حب الوطن
منيش حاب هنا نكون مواطن
كرهنا من تطيار الخيطان
كرهنا مالتكية على الحيطان
عيينا مالوقاف كيما البوطو
لبلاد اخرى غادي نسوطو
نقارع لركبة في بوطي
باي باي بلاد الخروطو
طولت وناباقي في سقوط
في وسط ظلمةراني مربوط
مأفونصي بظهر محطم
لازم نكفت لي عليه محطوط
ليسة طويلة بدين نشرط
على لي رفدته فحقي فرط
لي تقسم معاه يشرط
لي تنقيه عليك يتغوط
بيدما تسقمت نسامي الحيط
مزالك شاد في ذاك الخيط
الواقع يبقى عليك يسمط
مالتفكير راصك يشيط
مهما تسهر فالعلم تطلب
يبقى الضو عليك طافي
تلقى لي قلبه كي لحطب
يتعاطف مع الجنس اللطيف
مانعطيك من حياتي مقتطف
باش معايا تتعاطف
مكانش لي قلبي يخطف
خلاص فرغ مالعواطف
هنا تندس كي اطلنطس
في بحر الهم تبقى غاطس
صحابي قد شعرات الراص
في وقت الصح وليت فرطاس
بظلام الليل خدمت غطى
شمسي بغيوم تغطات
مشي لي عندو جناح طار
كيما السردوك طلع وطاح
ما تعيا تحمل ما طيق
مالضرابي ظهرك يطيب
تضل خابط عمرك لا تفيق
تبات تتخبط بلا طبيب
عمرو لا راسي يهبط
النيفو فوق السما يخبط
راني جابد على القطيع
صاحبي أنا معهم ما ننحط
ستيلويا بالحق نطق
بالقافية طراك طرطق
ماقلت رفعولي الطاقيات
جيت نحكي واقف فقط
حرز لا دنيا خطاتك
تولي عليك ماشريال
بلاك منها على خاطر
لي طمعو فيها سلكو قلال
مزال حاصلين في الانطلاق
مزال باقيين في اضطراب
أنا وفرحتي راني فطلاق
انا ودنيا كيما الطباق
تعيشها قصة طويلة
والفيد في دور البطولة
مبدات تهمنا الاطلالة
كي قنطرتنا البطالة
حب قبل ما تخالطني
هنا الثقة مشروطة
مايهمني نفوذ لا سلطة
افراط فالثقة هو الغلطة
تحب تعرفني سقسي رجال
ساقطين يعطوك صورة مغلوطة
بلا ما ندخلو في ليديطاي
خلاص هنا ودير نقطة
خلي كلماتك مضبوطة
بحبل المنطق مربوطة
زلة لسان كيما الطارفة
على رقبتك محطوطة
مورال ما يعرف الطلعة
مزال خبارو مقطوعة
الصدق دارولو قطيعة
كذب ولا فيهم طبيعة
هنا الدينار لمن ستطاع
ولي ميطيق الياس قاطع
خلاص ماولات عندنا طاقة
حابين ندوا وقت مستقطع
لي طلبني كي زمان قهره
الغالي ما يغلى عليه طلب
ولي فالطريق عطاني ظهره
يعيطلي كي قاطعو مطب
المستوى راه في انحطاط
مع الأرض راه في انبساط
في طابورالجهل راهم يطبعو
تحاوله ودارو انضباط
مام تقول الحق يغلطوك
يشوفك طالع يهبطوك
ولي أبحقه يطالب
ترجعو الدولة مجرم مطلوب
في وسط ظلام راني نسطوبي
ماطفاني الديقوطاج
وحدي تخطيت شحال من سطاج
طالع ايطاج مور ايطاج
خارج نطاق التغطية
فتحتلكم صفحات مطوية
مكانش لي يجي يغالطني
عارف شحال داير من خطية
كي هدرت مكانش لي قاطعني
فاروق مكانش لي طاق عليه
وقت ماقطعني أني نقطع فيه
راه عندي سيف قاطع عليه
outro :
كونك غابة والناس تحطب
واجه الحقيقة طاي طاي وماتبقاش في طريقها تزربط
خلي غير لمولاك يكون الطلب
خلي راسك مرفوع دايمن طالع
متخليش الفاني يرفدك لي فوق طاقتك
تصيب الدنيا غير تعب وهم هذا ما عطاتك
مكثرتلكش حرف “ط” في هذا الطراك باش نخربطك
أنا خاطبت العقول
وحاولت فالصورة نحطك
سلام
Random Lyrics
- absztrakkt - du kennst das (part) lyrics
- la franela - súper héroes lyrics
- christiane mathé - gift of love lyrics
- ssgkobe - london lyrics
- the pearls (pl) - żurawie origami lyrics
- kanji x - blood on me lyrics
- burnout syndromes - サクラカノン (sakura canon) lyrics
- ruso - verona lyrics
- hyacinthus - mercury lyrics
- m-flo loves dragon ash - way u move lyrics