a b c d e f g h i j k l m n o p q r s t u v w x y z 0 1 2 3 4 5 6 7 8 9 #

shi7a - شيحا - adrenaline - أدرينالين lyrics

الادرينالين عالي و مافي وقت للنقاش..
بعمل من جمجمتك بيت ل خفاش..
انا اسف بس افكاري بتصير شوي غريبة..
ع نص الشهر لما يخلص المعاش
اتصلت بسيرياتيل قلتلن هاي هوميز..
ما ح تعملولنا بطاقة ذكية للوحدات بليز!
قال عزيزي المشترك حاج تحكي متل كويز..
قلتلا بس هو رفيقي و شكلا هون سحبت البريز..
تبع التليفون من الحيط لاني سمعت توت..
كس اختا لهالبلد لا بتعيش ولا بتموت..
قررت صير نباتي و الاكل فوربيدن فروت..
يعني فاكهة محرمة للي ما بيحكي لغوت..
لغات واتيفر..كلمات مبعثرة بالشوارع ما حدا غيرنا بلما..
البلد متوترة ماني طالع لحتى حدا يسب أما..
كل يومين ع راس الحارة في واحد قتلوه لما..
جاعو الشباب ما لاقو شي ياكلوه العمى!
هاد ممكن كون انا ياللي أجرم ع الافلاس..
الجوع ممكن يدفعني لاقتل اي حدا من هالناس..
لا تحط حالك مكان الضحية ما بفيد هالاحساس..
بالعكس بدك غضب مشان تقتل الكراس
الادرينالين عالي و مافي وقت للنقاش..
حدا يخبر النقابة دابح فنكن وين ما عاش..
حدا يفيق البهايم احسن ما انزل ب كلاش..
قوص بنص الشارع و ادعس بشر بالرشاش
ما خلصو لسا العالم اللي بيتصرفو كانو البلد الهن وحدن..
و الفكرة انو هن افقر مني منك بس اخوات شرموطة بدك يحكو رأين..
و يروحو يموتو من الجوع قبل ما يلاقو اكلن..
لا رفيق..طز فيك انا بمثل نفسي عقلي غير عقلن!
بنزوي بزاويتي متل ما كل الرابرز بقولو..
بس انا بنزوي عنجد..بضل بغرفتي شهر بطولو..
و بطلع مخربط باليوم بجيب دماغي من الهونولولو..
بعين ع هالعيشة ببزق و برجع بعيش القرف ع اصولو..
بيب اسألي عن اصولي بتلاقي الدراما ست ستي..
في واحد من جدودي كتب شعر بحب المتة..
امي تعاطت هيه و حامل ف في هيروين باوردتي..
ما تساليني شبك قبل ما تكوني قد ما متت متي..
عم ينقتل شغفي بالحياة بشكل يومي..
لو مانك شايفة الصورة منيح زومي..
بتشوفي دموعي تواريخ و ما عاد بتلومي..
مخي و نفسيتي و شخصي النكد الهجومي
كبرت ع اي شي ممكن يتنصف ك مرض نفسي بيتعالج..
مافي حيط بينمات فيه ما فتت فيه و طلعت عايش..
حياتي ملحمة تترخ ما بتتقارن فيا غلغامش..
بقفي يومياتي و مشان يكفوني الدفاتر ببلش اكتب من الهامش
الكل مفكرني عم اهرب من المشاكل و انا عم دور ع مخارج..
تطلعنا كلنا لاني اذا مبسوط لوحدي ما بتوقع فيني اتعايش..
مع انو في حدا هلق عم يبكي ممكن يكون طفل ببنغلادش..
شاطر باني لوم ذاتي ع اي شي بغض النظر عن شو النتايج
شايف في لعنة فوق راسي ما عم اقدر اتجاهلا..
كل ما بدي دير وجي بفتل باتجاها لازم اتعلم كيف عاملا!
ضل اعمل راب ولا عيش..ضل خايف ولا معلش..
اخسر و اتعلم من تجارب و ارجع جرب و اخفاقاتي اتحملا!
مبارح كنت عم احكي مع سالي عن الدرويش و قلتلا انو تافه و صفيق
ما وافقتني و رأيي ب هاني ما مهم مو هون الفكرة رفيق..
بس سبحان الله شو بتعمل الدروشة على طول الطريق..
السؤال انو..
هل لازم احترم رابر ناجح ولا غار منو ولا جرب اعملو صديق

- shi7a شيحا lyrics

Random Lyrics

HOT LYRICS