a b c d e f g h i j k l m n o p q r s t u v w x y z 0 1 2 3 4 5 6 7 8 9 #

shi7a - شيحا - december - كانون lyrics

الحقيقي لو انحنى ولا.. ما بهاب موت!

عطيت روحي للموسيقى حتى بيوم بيعا..
حاولت كون حيادي و ما الحق اي شريعة!
بس للاسف كرهوني و عنادي ما كان ذريعة..
اني هادي بنص ستادي بحط دسك ب قصيص ك زريعة

مينك انت ؟! مع مين مفكر حالك عم تحكي انت!
بجيبك انت..و كل مين شادد ضهرك فيه مشان ما تبكي انت..
لحالك.. ببالك اني بكتب كرمالك! انا بكتب حتى هين ذكائك.. انت
بدماغك انت واصل لمستوى.. اي نعم ما حدا بجيب غباءك انت..
مكانك انت.. مكاني لكن كل مين دعمك كان حلمو كلامي ينتج..
شافوك و ما صدقو انو في حدا بدالي كلامو محرج..
شيحا كلامو مخرج.. من المشاكل اللي ما بتحلا لو تكون محلول انت..
محلول انت.. عم تنيك الموسيقى بدال ما تحبا..مغسول انت..
مهبول انت! غير مقبول انت! لسا سنتين بتصير مشلول انت!
“انسى”
في أسطورة بتقلك : شهر الله “كانون”
في أسطورة بتقلك : نغم الله “قانون”
في بلد بالسما ناطر كلنا نصير ع حدودو..
في وطن جوا القلوب..هداك كلياتنا أسودو..
بين طريدة و أسود..لاحق عقيدة و وعود..
بين تابوت و تابوت..ع رف حانوت و حانوت..
بالخانة 100 مرة مربوط..احرق الخيوط..
كل مرة جيت لاختنق أمر الله ما موت

انسى كل الكون..
خرا عليهن كلن..
رو طفي هالتلفون و انسى

مليت من الروتين و التكرار..
بدي اترك حبيبتي و بدي “اتزوجا”
بدي بطل شغل و بدي “افتح شركة”
بدي بطل راب و بدي “تكون قناتي verified”
بدي ما بدي الناس على وقتي!
مدري ليش بشوفو لحس طياز بملاوقتي..
بدي املى وقتي بالمصاري لاحق ع الكساس بتختي!

فيني روح ماموث..فيني طاقة جاموس..
فيني عبقرية جاسوس بالحرب الباردة للروس..
في نطاق ال “يجوز” مخي طافي ال undoز..
مافيني اتحمل تيوس..ناقص عندي كم فيوز
أحيان بضل ساكت شوف اللحن وين آخدني..
شو ممكن احكي حتى خلي حدا يضل يسمعني!
تلتي غبي..تلتي عبقري..تلت الكون ما بيسعني..
قلت الكون ما بيسعني..قلتلكون ما بيسعني ان قلكن..
من كم يوم عم اسمعني اكتشفت انو موسيقتي مذكراتي..
و عرفت ليش صرلي سنتين حياتي فاضية!!
بتذكر كيف و وين كتبت كل تراك..
بتذكر كل احساس كل شعور و كل إخفاق..
باني عبر..اشرح و استرسل بالحكي..
لو ما كنت برسل هالحكي..لو ما كنت برسم هالحكي..
ما كنتو مسكتوني عن بكي ليالي لحالي ف بشتكي
انا مو رابر بهالساحة انا انسان وحيد لا شريك له..
انا ما عندي رسالة عندي رواية أجزاءا ما انتهو..
بال 2014 رفضت الواقع..15 بأول ألبوم انتفضت ع الواقع..
16 وعيت..هديا..17 تاني ألبوم..تحولت ل واقع..
18 نمت..خليت الناس تسمعني..عطيتن كلن وقتن..
اللي كرهني صار بحبني و اللي حبني صار مدمن!
بحلم صير mainstream بتمنى عيش to that day..
بعطي نصايح و إلهام للكل بس coaches don’t play..
بفتح أحاديث مع شخصيات بخترعا لانو ما حدا بيفهمني..
أحيان بيتأزم الموقف بعيط ع حالي “وطي صوتك” لانو صوتي عم يزعجني..
لا تحكيني بالوحدة و انت ما بتعرف شو سجني..
يا جيل..billie eilish اللاوية بس ما بتعرف شي عن حزني
بعاملني كاني مراية..بقلي نفس الحكي كاني بنسى!
اي انا مراية ل وجعك بس الفرق اني كل ما بنكسر..بقسى

“انسى”

كنت قايل بهالعمر رح احكم المدينة بالشغب..
رح اصرع المدينة ب صخب..خلي هالشعب يتعلم ينتخب..
الحُب قبل كلشي..حبو كلشي..حاولو اكتر مني..
لاني تعبت كتير و ما معي اكل لحتى اقدر غني..
مخي عم يكتبلي حكي غير بصوتي ما بينقرأ..
أبوي قلي اشتغل بالخرا و لا تحتاج خرا..
امي قالتلي اشتغل لحالك و بعمرك لا تأمن ل مرة..
رفقاتي بقلولي حاج تخبص عم ترجع ل ورا
و أنا متل ايري كلشي اكتر من هيك ما عاد في..
هاتفي..زاد فيه راتبي بالمحادثات بس جزداني اهترى
خوفي من حالي اكبر خوف من كل مخاوفي..
لو في طريق امشيه كنت بضل نايم تحت ملاحفي..
لانو كانون بارد..عليي اكتر من اي كائن..
لأن البائن اني ساكن بمدينة شعبا رهائن..
ل بعض الصباح متل مسائن..أعدائن..
شباب متلي عم يحاربو الانتحار بموت راهن
ما تراهن عليي صديقي رح تخسر بالنهاية..
انكسر قلبي لما قالت اني ما عم حاول بما فيه الكفاية..
انا ربيت حالي بإيدي.. بعين ع المراية.. ضيعانا هالترباية
لو عندي آلة زمن بتمنى ارجع و امحيكي من البداية!
تغيرت الغاية..من كل شي ب حياتي لما ضعت عن مساري..
مشيت بمسار اجباري الشيزوفرينيا عاملة براسي أتاري للتسلاية..
أتاري الحياة من يوما طالبة تكون داريو نهاريس و انا ك ماريو..
الفارس ناوي ينقذ الأميرة ب نطة ع العلم..و ارفعو متل المدارس
كتر المدارس اللي تنقلت فيا..خلت عندي قدرة ع المسايرة..
كامل ب صف التاسع كان يتعاطى ترامادول..
و يحكيلي عن الأبعاد المغايرة..و كيف مربعو دائرة
ما فهمت عليه وقتا..بس فهمت هلق و ما عاد ساير كاميرا..
زاور الكل بزوق الحقيقة لو ع طريق المقبرة..بالمشرحة..
ما اقبحا فكرة الموسيقي بالبلد بعاملونا كأننا برابرة..
مسكت المايك ع ستيج عم يصفنو فيني كاني فضائي..
و يزقفو للمقلد مع ثابر للامام يا نابغة الطبقة الداشرة
ف كس اخت الراب مصلحة..
شي يوم رح شيل نور الموسيقى من سماكن و حط “شيحا” مطرحا..
من هون لوقتا

“انسى”

انسى كل الكون..
خرا عليهن كلن..
رو طفي هالتلفون و انسى

- shi7a شيحا lyrics

Random Lyrics

HOT LYRICS