a b c d e f g h i j k l m n o p q r s t u v w x y z 0 1 2 3 4 5 6 7 8 9 #

't hof van commerce - zonder fans gin bands lyrics

[verse 1: buzze & kowlier]
wuk is een band zoender fans
up een dag lik vandoage
of geliek wek een andere dag
nu dak et mie afvroage
wik zoe wieder moet’n doen
‘t is lik de lotto zoender poen
of reclame voe de berca
up een wèreld zoender skoen
voe te begun zoet er ol niemand voe zenne radio zitt’n
ze zien goan wandel’n of bezig met de kelder te witt’n
een of andere soaie activiteit voe de zundagachternoene
en niemand up de show
hèlegans nie te doene

zoender fans gin bands
zoender mie gin trends
zoender s-x gin kienders
zoender gent gin gents
enzovoarts en zoverder
toet u sprikt uw’ne herder
de noam is flip kowlier
en ik bringe ier ten berde
liedjes, shows, stunts en vieil mieir
wuk zegt je ton?
bedankt menieir
nèe, gin dank, vanoavend zie giender de sterr’n
en nog vieil mieir van die zieik, ik ben ne hieil’n ergen

[refrein]
ik zoen vele doen voe me fans
want tis zieder die mie vorzien van de cens
en ofgezien doavan, ek der straf vele an
‘t komt ier up nere, zoender fans gin bands
ik zoen vele doen voe me publiek
want van zieder krieg ek live elektriek
en in ol de stroat’n kopen zieder de ploat’n
zien zieder de pointe van hieil uzze muziek

[verse 2: buzze & kowlier]
nu ja, in ol gevoal an iederiein merci
van de marginale johns noa de besketen chichi
‘t kan mie nie skil’n wat da gie ziet
met wekken otto da je gie riedt
o je nu gèren no familie kiekt
of fan ziet van brad pitt
zolange da je der ziet voer oens
zien wieder der ier voe gie
en moak’n we vette ploat’n
voe hetero en bi
en oak nog voe de potters en de lèz’n overal
ik klienke me mien glas
allé santé en ook nog skol

zoender volk up uw concert gerakt je nooit in de top tiene
ot er niemand u kent, volt er niet’n te verdiene
je goat gin ploat’n verkoop’n, ge goat gin royalties verkriegen
ge goat gin groupies bin doen of no de radio meug’n
dus gin cens in hoop’n, gin cadillacs koop’n
gin baldoadig gedrag lik otelkoamers sloop’n
ge lat u best nie goan in decadent excess
da kunt j’u nie permitter’n zoender nationaal succes

[refrein]
ik zoen vele doen voe me publiek
want van zieder krieg ek live elektriek
en in ol de stroat’n kopen zieder de ploat’n
zien zieder de pointe van hieil uzze muziek
ik zoen vele doen voe me fans
want tis zieder die mie voorzien van de cens
en ofgezien doavan, ek der straf vele an
tkomt ier up nere, zoender fans gin bands

[verse 3: buzze & kowlier]
langs den andere kant, wik zoej gieder doen met under drienkgeld
moesten machtige groep’n lik oes miskien en ofgebeld
ge zoe nie moet’n komm’n kieken nor oezne show in den ab
en nie stoef’n tegen u moat’n over oezne skône cd
gin izzegem, gin erman en ook gin rocky zev’ne
ge zoe nie weet’n over wuk gekoet op u werk of int lev’ne
‘t komt uutindelijk goed uut da vedetten bestoan
ge zoet anders nooit nie wet’n wo da je int weekend nu moe goan

vo dak et ier vergeet’n, w’en ook fans in nederland
int begun wast ginne vetten, mo nu ist an de bet’re hand
ze zing’n ol mee, met de klank’n surtout
kgoan doa nog vele goan spel’n, kben da nog lange nie moe
van de 013, no de verre vera
nen boot in amsterdam of e zoale in breda
tis oltied gjistig, up zien minst gezeid tis voe ‘t avontuur
moe we geroak’n doa nie droenke, want da bier is obscuur

- t hof van commerce lyrics

Random Lyrics

HOT LYRICS