$tam – ana kdab|انا كداب lyrics
verse 1
الكدب اخرته النار يا ابنى لازم تبقى فاهم
و لما التليفون رن قال لي رد و قول له نايم
قال لى ان الصدق بينجى و الكدب ف داهيه يوديك
بس لما قلت الحق ضربنى و لما كدبت نجيت
و لما كبرت و وعيت لقيت ان مفيش جديد
و ان كله بلسانين مش انا الكداب الوحيد
ف اكتب بالبونت العريض انهم ظلموا الجمل
و ان الكدب عند الناس دى زيه زى الهوا
على طول بتصدقك روح ارمى الكدبه ف ودنها
مهو اكيد مفيش ام ممكن هتكدب ابنها
و قولها انها كانت كدبه بيضا لما تبوظ
مهو مفيش كدب ابيض و لا فى كدب بنى ف روز
يجوز منا كداب الكدب عندى شئ مباح
بكدب طول اليوم و اروح انام و ضميرى مرتاح
ف اكتب ف اول صفحه ان شهره ابريل ده باسمى
بكدب لدرجة اننى بعد فتره بصدق كدبى
chouras
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
verse 2
اول مره اقول اللى قلته ده الليلادى
صدقيني انتى اول بنت اعرفها ف حياتى
انا البرئ الهادى و كل الناس تشهدلى
من بقى مبتخرجش العيبه و حيات سيدى الحلى
حب الناس دى ليا لو كان بحر مكانش قضى
عمرى ما شوفت الكره عمر قلب ما حس خضه
حياتى بيضا و بمبى و بكل الوان الفرحه
و اللى ف رقبتى دى مش مشنقه لاء جرفته
ف من فضلك فكر قبل ما تقرب ليا حاسب
ياما قبلك ناس جم هنا و اتخموا فيا اسف
خد منى عينات تحت الميكروسكوب هتلاقى
كور حمرا و كور بيضا و كور كدب ف بلازماتى
و ملازمانى منين ما رحت و جيت دايما ع اللسان
مظبوطه ف اتجاهها رايحة لايقة ع الودان
بتصدقها و بتخليك ماشي ورايا لحد الباب
و انا بسوقك على عماك عشان..انا كداب
chouras
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
Random Lyrics
- medina – et øjeblik lyrics
- mariana froes – girassóis de van gogh lyrics
- ouija macc – trashfire lyrics
- liquid richard – blame it on detractors lyrics
- wormganger – слайд (slide) lyrics
- snoop dogg – blue face hunnids lyrics
- under oblivion – behind the lies lyrics
- jhange – novembermind lyrics
- giorgio lo cascio – ivana lyrics
- svrcina – island lyrics