a b c d e f g h i j k l m n o p q r s t u v w x y z 0 1 2 3 4 5 6 7 8 9 #

tommy vercetti - romeo & julia lyrics

wenn du mi liebsch musch brächä
versprächä d-ssmer brächä
mit der wäut, mitem gäud, mitem rächnä

imene färnä land si wäsä imene kubus ires läbä lang
luege enang nume dürne luke a ir gfängniswand
jede isch mit jedem numä zuefällig näbänang
u ds änderet jedä tag, und so ändet jedi sprach
jedi zäuä het ä türe wo es schloss het
doch nur vo änädra chasch gspüre wi ds bout isch
si het plän gmacht fürnes schlüsseli us houz gschnitzt
doch ds z beschribä würd bedingä d-ss är wort fingt
u so achtet si sich druf, immer denn wenn si sich gse
d-ss me zeichä lehrt und redt, zersch mit geschtä när mit me
und viles rückt nach, ä offni tür und vilech glück
nur s drücke vomne arm, und dr schlüssu gwinnt a form
jedi nacht s chlises stück, jedes küssli git dr takt
bis am tag wo si erchlüpft, wüu dr schlüssu macht „kl!ck“
und d türe isch iz off, und si stö sich gägänüber
und si gspüre ds paradox, d-ssd nur frei bisch
i gschlossene arme

und iz, iz hei si sich, ändlech schiint aues so schön
gränzä schiine au zerstört, aber si, si si nur sich
s geit nid drum, d-ss me sich gwöhnt
sondern, d-ss me vieles bruucht
ä muetter und ä fründin und ä schwöschter und ä huer’
ä büezer und ä lehrerin, ä pfarrer und ä buur
si si geng no imene chefig, nur mit dopplet so viu ruum
aui chefige müesste uf, doch au befreiä so viu z tüe
so viu wüssä, so viu schlüssle, doch si gspüre: si si müed
u statt ds richtige z mache, male si gsicht vo angerne ab
schnitze se us houz, u legä sich iri maske a
u so si si sich ä muetter, und ä büezer und ä huer’
spilä sich di ganzi wäut ufme winzig chliine ruum
u so wärdä si schnäu aut, erschöpfä sich, schöpfä h-ss
entscheidä eines tages z scheidä, wüus nä beidnä nümmä p-sst
und schnitzä ä letschti maske mit viu liebi füre tod
und läbä geng no hüt, wüu är natürlech nie isch cho

du bisch s füür ir nacht wo schnäu schwach wird
we jede tüüfu i mir um di platz nimmt
du bisch ä sehr tüüre spiägu für mi ässtisch
ä sehr tüüre spiägu für mi ässtisch
du bisch ä rose im schnee wo schnäu weukt
we jedä bl!ck vo mir uf di zeut
du bisch ä sehr tüüre spiägu für mi ässtisch
ä sehr tüüre spiägu für mi ässtisch
für di trinki ds gift wo mi tötet
doch vor erschöpfig ischs äuä nüm nötig
du bisch ä sehr tüüre spiägu für mi ässtisch
ä sehr tüüre spiägu für mi ässtisch

wenn du mi liebsch musch brächä
versprächä d-ssmer brächä
mit der wäut, mitem gäud, mitem rächnä
nid i dollar, nid i frankä, nid i räppler
nüm i dopplet und prozänt, nid i zähtlä
o nid i stund, nid i arbeit, nid i wärtä
o nüm i küss, nüm i gfaue und versprächä
giz no liebi, muessme brächä
mit der wäut, mitem gäud, mitem rächnä

- tommy vercetti lyrics

Random Lyrics

HOT LYRICS