tox (theory of existence) - tala3 yeddik lyrics
[اقتباس من مداخلة تلفزيونية]
“الحاكم تاع الجزاير يسكت اليوم و المنكر موضوعي و الدراهم تع الجزايريين ينسرقوا”
“طلع طلع طلع”
[المقطع الأول: فادا فيكس]
لا هوما داو أنا ندي هذا التفكير لي سايد
فالدورة نقارع الدالة معلاباليش بالجزاير
لي يحكم منصب يعض ياك لحباس قالوا للرجال
ندي نعمر الشكارة والعدالة خليها تسال
وين النهار لي نشوفو لميار فالطرقان يمشو
مشي غايبين مالبيرو وعلي الشعب يعبيروا
مشي فالكرسي الغراء سيارة اخر طراز
و حنا كتلنا الكراء في الطوابير ديما الصراع
حتي الحقيقة ماهي تفوت سياسة الرقم تقول
بلي الكمية تغلب وكلشي مبني على الخوف
تقول هما عايشين في كون يهدرو غير باليدين
لغة الصم والبكم وحنايا قاع معميين
قالولهم طلع يديك تحسب رانا في براكاج
فيلم واحد من بكري يدور قاع الناس تبغي التفراج
لي كاين باين صاي قلب الصفحة جيب الجديد
مين يتفاهمو جيب الكايي باش نمركيه وراء ليستا
[اللازمة]
باغي نعيش كيما الدبيتي، يدخلو دراهمي مين نطلع يدي
طلع يديك طلع طلع يديك مين يبانو دراهم طلع يديك
باغي نعيش كيما الدبيتي، يدخلو دراهمي مين نطلع يدي
طلع يديك طلع طلع يديك مين يبانو طوكس طلع يديك
[المقطع الثاني : بانيس]
لي ما ترشحش هاد العام قالك راطى افار
البانكو راه كبير نقلبوها بوليتيك
l’ansej و لامن l’anem لا ما دينا الماغو، لا من
قالك مع الشعب يتمشى مليح عصير المانغوا
روح واري روح راك رابح
خرج مالحومة باينة نتا واه ناس ملاح
ما تنسى حكاية هذاك المير لي كان عساس البارح
اليوم راه برانس
شوف مع الجار يحل اللوكال
حكم لاجوناس و ديرلهم خطاب حار
عطيلهم علام، ركّبهم في بيس
وشعلهم الشعلة و فكرهم في بلي صرا مع مصر
شحال ساهلة بزاف مارغة
المشكلة ما تعرفو حتي تكذبو علينا
fln, rnd, la vie en rose, lsd
bna, bea سبنسور في الشهرية
[اللازمة]
باغي نعيش كيما الدبيتي، يدخلو دراهمي مين نطلع يدي
طلع يديك طلع طلع يديك مين يبانو دراهم طلع يديك
باغي نعيش كيما الدبيتي، يدخلو دراهمي مين نطلع يدي
طلع يديك طلع طلع يديك مين يبانو طوكس طلع يديك
Random Lyrics