a b c d e f g h i j k l m n o p q r s t u v w x y z 0 1 2 3 4 5 6 7 8 9 #

willem vermandere - den tjoolder lyrics

Loading...

‘k hèn êndlijk vele getjoold in mijn leven
en nergens nie meer dan wat uren gebleven
juste genoeg voor wat simpele dingen
g’lijk eten en drinken en liedjes zingen

ja ‘k mag het zeggen, ‘k hè vele getjoold
en meer dan ne keer zelfs hooploos verdoold
verre van thuis van vrouw en kind
in ‘t holst van de nacht in weer en wind

en de wind in joen haar, zo loopje deur ‘t land
en de mensen langs de strate, ze wijzen met hulder hand
en ‘t deurt nie lange of ‘t weet heel de stad
zie me daar lopen, ne nest jongens achter mijn gat

wie kan er mij zeggen, langs waar da’k moe gaan
waar weunen de mensen die mij willen verstaan
wie hèt ‘r op zijne zolder nog een oud instrument
wie speel er viool en is ‘t zingen niet ontwend

wie hèt er genoeg van zijne welvaartstaat
met zijne stank en plastiek die nooit meer vergaat
de peerden en de koeien creveren in de wei
en als ‘t nie rap betert, ook de vis in de zee

we verdienen onzen boterham, heel dikke gesmeerd
maar de beuter is te zwaar, ze g’raakt moeilijk verteerd
nog nooit hadden w’ een huis zo proper opgedaan
en toch zijn we betinteld om op voyage te gaan
we krijgen heel ons leven de pap in de mon
en als we dooddgaan een sjieke kist in de grond
iederen dag is geregeld, perfect g’arrangeerd
‘t stond op papier al lang geformuleerd

in dikke boeken staan de wetten gesteld
en luister maar goed wat meneer paster vertelt
houdt goed je pasen en ‘s nachts je deur op slot
zo leef je veilig in d’ armen van god

maar ik zoek mijne weg, langs d’n andere kant
en ‘k tjool al zingen deur ‘t vreemde land
en ‘t doet soms zeer om allene te gaan
ach zijn d’r hier geen mensen die mijn liedje verstaan

- willem vermandere lyrics

Random Lyrics

HOT LYRICS

Loading...