a b c d e f g h i j k l m n o p q r s t u v w x y z 0 1 2 3 4 5 6 7 8 9 #

wolfgang niedecken - griefbar noh lyrics

zojefroore litt dä see
et weed langsam h+ll, hä woor schon ens he
schwemme liere sollt’e domohls
nüng levve hätt’e, wie en katz
dat, wat jraad draan ess, hätt’e ziemlich satt
op singem drootseil steht’e rootlos
die hugg uss h+rn op singer seel ess wund
ahnjesunge en unzählje stunde
e wiess emailjeschild säät “salzburg”!
schnie weed rään, dann duhrt et nimieh lang
dat du ohm bahnsteig stehs un + jottseidank +
e netz opspanns, dat ihm ballance jitt

gare de l’est, café des arrivées
de häng jewärmp ahn ‘nem café au lait
hä hührt sing stemm, die wie vun selvs sprich
leis sink’e leed vüür, wat ‘ne jung en rom
vüür johre schriff, eins, wat ihm immer schon
‘ne leuchtturm woor, ‘t fählt nur dä stadtplan
paris pulsiert schon oder immer noch
hä spillt dä fröhliche, du merks et … doch;
hilfs ihm sing bleijedanke draare
vier kinderaure sieht e daach un naach
ob e nu schlööf, oder + wie miestens + waach
alles op null + darf hä dat woore?

op eimohl woor et griefbar noh
jet, wat wie uss ‘nem andre levve woor
dat jeföhl woor plötzlich do
diffus un unbestemmp, doch et woor griefbar noh

eck st. marks un second avenue
zwei mohnd später noch ‘e déjà vu:
en handvoll loser op silvester
jeruch vun färv, knallwiess neonleech
jrundierte leinwäng un e blass jeseech
einer ahm eng … oder ahm ahnfang?
da’s zehn johr her, doch wat hück intressiert
ess dat e’t endlich widder en sich spürt
‘t ess widder do, dat lang vermesste fieber
leev … hühr ihm zo
sick dämm daach weiss e, dat e su wie du
och widder jevve kann + und zwar uss liebe

op eimohl woor et griefbar noh
jet, wat wie uss ‘nem andre levve woor
dat jeföhl woor plötzlich do
diffus un unbestemmp, doch et woor griefbar

op eimohl woor et griefbar noh
jet, wat wie uss ‘nem andre levve woor
dat jeföhl woor plötzlich do
diffus un unbestemmp, doch et woor griefbar noh

- wolfgang niedecken lyrics

Random Lyrics

HOT LYRICS