a b c d e f g h i j k l m n o p q r s t u v w x y z 0 1 2 3 4 5 6 7 8 9 #

wolfgang niedecken - nie met aljebra lyrics

nohdämm ding nabelschnur jekapp wahr, em sechste johr nohm kreech
die stadt zum jröößte deil noch flachlooch, doch en hoffnungsvollem leech
rinn en e land, dat sich verstümmelt hatt, ne kontinent em sinn
woodste jeboore, kleine jüdd, dank opa’s une’lichem kind
do wohr ne krämer, dä vun häzze jood, doch leider ohne stolz
sing zweite frau, die off betont hätt, wat se all wie anders wollt
en burch, en der, wie de jetz weiß, nie kaiser ‘n könige residiert hann
e stadttor bloß, längs övverflüssig wie die, die nie drinn logiert
en lange strooß, jeschäfte, n’ kirch met huhaltar, sujar ‘nem schrein
met bichstöhl, violett verhange, prozessione, die vorbei
ahn metzjereie trooke, ‘m schaufinster madonne opjebaut
häss dich jefrooch, wo hämche ‘n sülze wohl en dä zick verstaut

do hafts et nie met aljebra, formle, zahle
nur wat passiert ess
hätt dir wie ‘nem elefant su unauslöschlich
singe stempel enjebrannt
dat do off meins, do hätts fast jed detail behahle

un’t wood en bröck jebaut, ‘ne nierendesch övver dä fluss jespannt
en schieferspetz kahm op dä kirchturm, dä für volk un führer affjebrannt
domet die kirchturmspitz jetz heilblevv, krääte ‘mer widder en armee
ding onkle hatten do kein zweifel: “dä russ wöhr sons en drei daach he!”
die schul ahm hafen un ding frönde, röövekrugg un majerien
hätts, gläuv ich, alles drömm jejovve, domohls su wie die ze sinn
och dä kakaojeruch om schullhoff, bitter, schwer, verjißte nie
un fällt dat woot “fabrik” hück, stemp, denks do direk ahn fraue, die
vun ‘ner siren em takt jehahle, he praline affjepack
für e drinkjeld, dä reibach woot vun janz andre enjesack
doch eh dä grosche feel, wat affleef, wootste en dat heim jesteck
en dämm s+d+ste kinder quälte, fass ze spät hässte ‘t jescheck

do hafts et nie met aljebra, formle, zahle
nur wat passiert ess
hätt dir wie ‘nem elefant su unauslöschlich
singe stempel enjebrannt
dat do off meins, do hätts fast jed detail behahle

ne speisesaal, ne sportplatz, dä als exerzierfeld huh ömzäunt war
“mens sana in corpore sano” woot dir, besste ‘t ensoochs enjebläut
‘t joov khaki+hemde für die starke, urlaubssperre für dä rest
un spott un hohn für dä janz kleine, dä nach ens en sing bett jenässt
bess nie do fottjelaufe, nit met zehn, nit met zwölf, nit met veezehn
de uhre stief, wie papa, dämm ejal, en wat für ‘nem system
dat, watte ahnzebeede ‘n mark braat, soll un haben hätt jezällt
met prüjelstroof un bibelsprüch woots nit nur do “zom mann” jequält
‘t wohr jet met kuba, wat dir ‘n zicklang su brutal der schlaaf jeraub
do en dä höll, en der mer kinder nit ens träne mieh erlaub
ahn alles andre hatten ‘se dich noh un noh schon lang jewöhnt
och wenn de manchem halvjott he de pest hätts ahn der hals jejönnt

do hafts et nie met aljebra, formle, zahle
nur wat passiert ess
hätt dir wie ‘nem elefant su unauslöschlich
singe stempel enjebrannt
dat do off meins, do hätts fast jed detail behahle

zem hass ertrocke, längs erlosche wohr dat hoffnungsvolle leech
zem bovve puckle, unge tredde, zem pariere
doch vielleich mootste dodurch, öm du ze weede + na klar + et joov ach sonn
doch die’s ausführlich schon beschrivve, die sonn kennt wohl jeder schon
weil die erinnerung miehstens falle stellt, die jolden ussjeschmöck
met dämm wat ein’jermaßen o.k. wohr, dat andre blieht verstöbb
weilt su bequem ess, zo verjesse, routiniert ess mer dodrinn
he en dämm land, obwohl mir t’ sching, dat minsche övverall su sinn
jetz schriefste bilder, sings jedichte, leeder mohlste dann un wann
övver ding kindheit, dat donoh, vun jetz, schließlich un endlich dann
vun dämm, wat op uns zokütt, denks noh, wie mer do draan driehe kann
un oft erschrickste dich beim rasiere: “dat kind sieht uss wie ‘ne mann!”

do hafts et nie met aljebra, formle, zahle
nur wat passiert ess
hätt dir wie ‘nem elefant su unauslöschlich
singe stempel enjebrannt
dat do off meins, do hätts fast jed detail behahle

- wolfgang niedecken lyrics

Random Lyrics

HOT LYRICS