wolfgang niedecken - sara lyrics
ich looch op ‘ner dühn
himmelblau övver mir
als uns pänz babies woore
direk nevven dir
en mingem schatte jewaaße un do off ignoriert
hatt dich immer su noh
doch nie wirklich berührt
sara, sara
verroht mir wat loss ess
wat ess he passiert?
sara, sara
daach, ich kenn dich usswendisch
un hann dich doch nie kapiert
ich sinn se immer noch spille met ihre förmche em sand
wenn die brandung zo noh kohm
dann sinn se jerannt
sinn paar muschele falle uss ‘ner winzige hand
sinn se em boot, om wasser un widder ahn land
sara, sara
unschuldige engel
du strahls wie en sonn
sara, sara
wie ‘ne birch diamante
daach, ich däät dich verstonn
weißte noch eines nahx, ahn dämm füer en dämm wald
met dä fläsch wieße rum – wat hammer jelallt?!
dann die bockspringerei en savanna+la+mar
weißte noch op dämm maat un en dä portugalbar?
sara, sara
künnt dich niemohls verjesse
du bess immer bei mir
sara, sara
ich bereu kein sekund
keine häzzschlaach met dir
wat ich jesaat hann
weiß ich nimieh
daach nur: “die kriej’ ich nie!”
doch irjendjet en mir woos et:
kein andre – nur die!!
dat woor domohls em winter
do looch mondleech om schnie
wie’sch dich sooch
woot mir wärm un weich en de knee
sara, sara
en jedanke bei dir
wo immer du bess
sara, sara
wirf mir ne strühhalm
ich halt mich draan fess
die dühn ess jetz verlooße
strandjoot litt römm
un ‘e deil vun nem wrack met jet tang
brung un gröön
du häss immer jeantwoot
ding düer stund immer op
häss mir’n landkaat jejovve
wenn ich hilf vun dir broot
sara, sara
du häss mich verzaubert
met boore un pfeil
sara, sara
luhr mir en de auge
jangk nit vorbei!
Random Lyrics