xsof – far way lyrics
نهار حبيت كلش يتبدل درتها في راسي كل يوم
يا ننجح و لا نخسر و نسي ننسا الهموم
كان علابالي قادر نندم و لميمة لي تبكي عليا
قلتلها ياما راني نحلم باش نتي تفرحي بيا
قالتلي وليدي راك صغير و الغربة ماراهي بالساهل
لي كبار عليك ما شافوا الخير حرقوا الورقة و رماو القلم
غير قلبي عليك لي يتحرق و شكون لي يردك ليا
فهاذ choix ما تكون مقلق décide و ارجع ليا
رفدت الكابا و انا رايح billet w passeport لي يدوني
يما تقولي راك مسامح و دعاويك لي يعاونوني
وليدي قولي وقتاش تولي ما تخليني انا في حيرة
يما مكالاه تتهولي لتم نعرف كيفاش السيرة
طلعت طيارة داتني لبعيد في بلاد الناس ما فاهم والوا
ماكان صاحب و لا حبيب لي يسقسي سفيان على حوالوا
برا حقروني و مام ضربوني ، نلوم رجليا لي جابوني
بلادي على يما بعدتني و خلاتني نطيح دموعي
بديت نرفد روحي يامات و تعبي هو لي يوكلني
مع الوقت راهي تمشي اليامات البرد و الجوع لي علمني
يا سفيان قولي وشبيك ، درت هاذي كلش يديك
درت كلش نتا بيديك
درت كلش نتا بيديك ، واحد ما كان يقول ليك
يا سفيان قولي وشبيك ، الغربة بعداتك على والديك
درتها بيديك و نتا لي تعرف ، ما تلوم الناس لي حقراتك
لحقني خبر راهوا مات باباك ، بهاذ الخبر لي راهم قتلوني
في الغربة راني برا نبات ، و لبلادي شكون يرجعني
شكون لي لقبروا انا يديني ، قولي وعلاش هاذ النهار
انا نشوف هاذ النهار ، نبكي على زهري و منهار
يا سفيان قولي وشبيك ، درت هاذي كلش يديك
درت كلش نتا بيديك
درت كلش نتا بيديك ، واحد ما كان يقول ليك
يا سفيان قولي وشبيك ، الغربة بعداتك على والديك
درتها بيديك و نتا لي تعرف ، ما تلوم الناس لي حقراتك
Random Lyrics
- u.k. (ūdris un kronbergs) – pekinā ir auksti (pekiniešu suns) lyrics
- x.o ank – stacy lyrics
- mindcage escape – crash & burn lyrics
- iogo – veja lyrics
- rush smith – el niño que se olvidó de dormir (original score) lyrics
- jp lyrics – suffering (feat. dermont) lyrics
- josé alfredo jiménez – besos de tequila lyrics
- ethanerino – good vibes lyrics
- edskrr – bip lyrics
- emmy – i need to know lyrics