youppi x youppi - last message_آخر رسالة lyrics
اسمع مليح
المقطع الأول:
يما سمحيلي أنا هربت من دارنا سون سمير
اذا شفتيها ظاهريا راه الصونص بير
درت اللحية و قلعت فال ؟؟ و قنعت
شفت الفسق و بلعت و دركا صوتي سمعت
بدات الحكاية نهار دخلت للجامع و أنا صغير
لتم بديت لا باز لتم بديت على الدين نغير
ماما غروني أنا شفت المجتمع في خطر
قالولي الجنة سير قلت نروح بروحي نخاطر
لي داوني ماما كانو ناس يبانو تع تحصين
يبانو مالايكة فالصح و هوما موديفياو التفسير
الاول عرفتو ف أنترنيت ماقالاتو شابين
السيد جاي مالشام مسيمو روحو أسد الدين
لتم بديت الإسبال، اللحية نطلقت حبال
بروبوزالي الا نقبل نروح و عطاني أسباب
قالي الجنة قريبة ليك و أنا نفتحلك الباب
شفت في روحي قلت علاش ما ننصرش الإسلام
برا شفت المنكر ماما كيفاش ما نتغامش
كلام الله لي يعبر و المجتمع لي ما يفهمش
قلتلو كيفاش السبيل قالي بعتلي لي دوني
؟؟ فيزا للدوحة من قطر بعتوني
رفدت الكابة و قلعت ديزاكتيفيت التخمام
جني باسبوبر سعودي فيه مكاشيا فيزا لبنان
فالطيارة قلبي مزير الهبطة في بيروت
قعدنا يوم أنا و الخاوة و شقيناها حدود
معايا مروكي و مصري و القيد نتاعنا من باريس
دخلنا سوريا نخممو ربي راهو علينا حارس
ركبنا ف بيس و لي فيه قاع دايرين اللحية
قالك تروحو لحلب و تموتو ولا تحياو
لحقنا ل ؟؟؟ حطوني نقرا في كلاصة
فيها علام التوحيد لا سبورة لا طلاسة
دخل السيد يخطب و لا علاقة بالدين
بدا يقنع فينا بلي حنايا هوما المجاهدين
داونا يعلمونا نتيرو ماما هاداك لي كان
عطاوني سلاح ب نيميرو دو سيري أميريكان
جابولنا نساء قالولنا هاكو جهاد النكاح
ماما كنت خايف هادو و الله ما قنعوني قاع
قالك تهبط للتيرا تسيي فالناس لي ارتدو
عطاني موس بيدو قالي كبر و شدو
جابولنا 3 رجال قالولنا هادو كفار
مبروك عليكم اليوم راح تاخدولنا بالثار
السيد كان مكسل الدمعة في عينو مكبل
يخمم في ولادو لي مخليهم خايف راح يتقتل
فالأول غاضني و جيت رايح باش نانتارفوني
خفت يشكو في إيماني انا لي يقتلوني
شديت الموس و راسو ذكرت ربي و الرسول
غرق في دمو و انا نجوز فيه الموس لحاصول
ماما كي ذبحت الأول مور ما قالولي مرتد
بصح كيفاش و انا لي سمعتو بوذني كان يشهد
ما رقدتش ليلو ولا زوج امبعد ارفدت الصنعة
وليت نفني فيهم عادي ما تغيضنيش الدمعة
سماوني أبو مصعب و لتم ديت السمعة
وليت شوية معروف و لتم زوجولي ربعة
هبط للسون دو ؟؟؟ شاد سلاحي و نكبر
قابلت الموت و البير لي نلقاه نكفر
في وسط ديار رايبين و جابادور مغبر
و ما كوناش خايفين خلاص القلب تعمر
قتلت كبير و صغير نورمالمو ما نرتاحش
حبيت الصونص بير حنايا لي سماونا داعش
شحال من واحد مصغر كان معايا و طرطرق روحو
مور ما قالولو حنا كي نموتو لحور العين نروحو
ماما كانو غالطين و قاع يعرفو هاد الحكاية
حتى أمير المؤمنين قادر يديلي نسايا
بعتوني خطرة نجيب تمويل و حسيت روحي غريب
لي عطالي السلاح و الدراهم كان في يدو موشم صليب
وليت لحلب قالك يحتاجوك في دير الزور
مع الكتيبة رحنا و دمي كان سخون يفور
لحقنا لتم لقينا رصاص و العدة و العتاد
قالك ناطاكو حزب الله مع قوات الأسد
ماما كي زدمنا أنا كنت مع الصفوف الأولى
و فبالي حنايا لي راح نبنو راح نديرو دولة
ماما تيراو عليا و راني طايح بين الأنقاض
راني نسجلك هاد الحكاية و ما لقيتش الألفاظ
ماما واقيل نموت و ماكانش لي يسمع بيا
علاش غير درك لي تحلبت بلي لعبو بيا
انا لي كنت باد شفت بعيني و كنت نكذب
قالولنا الموت تجيكم ساهلة علاش راني نتعذب
Random Lyrics
- ilovemakonnen - baby you got me (freestyle) lyrics
- blue horizon - reality lyrics
- baer - tuscany lyrics
- tangerine rye - i know what love is lyrics
- tatiana manaois - through the fight lyrics
- christine lavin - smokers lyrics
- yonaka - you need to calm down lyrics
- grèn sémé - anna lyrics
- moscow death brigade - one for the ski mask lyrics
- ohponyboy - musique d'ascenseur lyrics