yousef joker يوسف جوكر - ghamry | غامري lyrics
[المقطع الاول]
متكتف من جوه
مسلوب مني القوة
جوايا مليون احساس و اللي انا عايزه رافضه هو
لو الليل بلع الشمس كان يكفي نجمي
نجمي بيغيم و وحش الظلام ناحيتي بيجري
قبل ما اتكلم بفكر
قبل ما ببني بدمر
قبل ما اتناقش بدور
و بقولك البشر كلها بتحور
محبوس الاسد في عرينه
طليق القط بين الاحياء
عندي مشاعر ليكي كتير
لكن معمولها إخلاء
روحك تاية و خايفة بتلقط في النفس
اول ما بتطلع الشمس بتروح
تستخبي في الونس
هتعيشي خايفه من اللي جاي
و اسمي مستحيل تنسيه
من الاول كان لازم تقيسيه
مش قادره تلبسيه سيبية
في دماغي فكره و ورقه و قلم و قشر و مناديل
ايوة زباله
طز في الثوابت و الحواجز الحاله اهم حاجة
الحب مزارش موبايلي
غير لما رقمك ظهرلي
بس شبح الفراق كشرلي
و قالي سيبها تلزمني
مسحتلك الجروح بديتول
مسحتيلي شخبطه الكشكول
كان بينا كيميا لكن كان حالنا
واقف زي ما يكون ابو الهول
عايز اتجاحد يا اشباح و قلبي بيحن خدوه
عارفكم كلاب لما تجوعوا و قلبي بين ايديكوا هتاكلوا
زهقت من الدنيا يا+هو
انا واحد يا يقتلكوا يا تقتلوه
لو هتقتلوه هتريحوه
ياريتكم هتقدروا
[كوراس]
غامري روحي غامري
غامري روحي غامري
غامري روحي وغامري
غامري غامري
[المقطع الثاني]
فراقنا كان كارثه كونيه
لكن انا لسه صلب
وقفت و عمري ما هقع
حتي لو كان وقوع في الحب
الوقت ضيق و الدنيا فانية
فرح في ناحيه
و جنازه في التانية
مش هقبل ابقي ضل
لو الضل ضل حيط
حتي لو الحيطه
معدوله مش مايله
شربت قهوة عشان ابقي عملي مبقيتش
مفيش احترام علي اكمل وجه الموت مبيستأذنش
كنت الدولفين الوحيد في عالم القرش
مشاكلي عملت سويتش , نفسيتي محتاجه ونش
قلبي طريقه من هنا اهو
عمرك ما تاكليني غير بس و انا سخن
كل كلمه حب حلوة بعتبرها محن
احساسي الرومانسي في قمة البخل
من كتر السخونه و الجنان بردان
جان مان چان في كيان انسان
بقولك ايه انا كوم و هما كوم
انا جاسموم
لما بيجي في النوم
بلاقيني في العموم شيطان
متلومينيش هو ده حظنا
متمثليش السبكي مش هنا
متحوريش , كفايه لحد كده
مش لازم يكون مننا
حد يبقي كفش فدي
اللي مضايقني مش إني بسيبك
إن ربيع عمري جه في خريفك
و انك نسيتي , إنك قويتي
لما لقيتيني , باخد بأيدك
عقلي صدي كله قطران
بقيت زي الشعراء خربان
بكتب في السياسه و القرف
ببيع الصبر لأهل الشيطان
مفيش معاذير
رامي وراكي قله مع ذير
خلصنا
قلبي كبير , هسميه النني
و مش هيفارق الدكه
اسد , اجمعيني تلاقي لون قلبي
عندي غشامتي حتي علي نفسي
مش ايوبي ولا اموي
انا دموي
[كوراس]
غامري روحي غامري
غامري روحي غامري
غامري روحي وغامري
غامري غامري
×2
Random Lyrics
- metele que son pasteles - armar una crisis lyrics
- my last bike - aonde estou lyrics
- nina benzon - live up lyrics
- purpleca$ino - bags lyrics
- trisha paytas - everytime lyrics
- irenicaj - visions$ lyrics
- cali rock - todo mundo chora lyrics
- sie777e - dejavu lyrics
- the duskwhales - today lyrics
- pasjans - hipihopi lyrics