zap tharwat - al ghorba | الغربة lyrics
“كلمات زاب ثروت “الغربة
[zap tharwat : المقطع الأول]
شاب بسيط بيحلم انه يبقي حاجة
من منطقة شعبية فيها ناس كتير محتاجه
زمان قبل ما نعرف التمييز والطبقية
زمان قبل تفريق الناس طبقات بعنصرية
مش هقارن ما بين زماننا والحال أيامه
دلوقتي قيمة الشخص بفلوسه مش باحترامه
سافر الولد برا البلد علشان يأمن مستقبله
واتقي ربنا في شغله ورزقه من اوله
عدت سنتين واتجوز احلى بنت شافتها عنيه
من اول مرة شافها دعي ربنا تبقي ليه
وبدأوا بيت صغير طوبة طوبة واحدة واحدة
كانت هيا سنده في برد الغربة والوحدة
وقوام ربنا رزقهم بأحلى بنت في البنات
والرزق زاد بعدها بتلات اخوات ولاد
والبيت كبر ودفي والغريب نسي غربته
بقي في وطنه حضنهم وفي لقاهم فرحته
غلطته انه نسي ان الفرحة مش بدوم
المرض عرف طريقهم بقي بيزورهم كل يوم
الموت قرر يختار اكبر ولد من ولاده
مابيتأخرش عمره بيجي في وقته وفي معاده
ويادوب قدروا يفوقوا من الصدمة اللي كانوا فيها
والموت خطف الصغير في الزيارة اللي بعديها
والحرب قامت في الخليج سنة تسعين
راجعين بكفايانا نعيش متغربين
[amir eid : اللازمة]
الغربة حال مابينتهيش
بنتولد و فيها نعيش
مابين غريب جوه بلادي
وبلاد كتير ماتخصنيش
[zap tharwat : المقطع الثاني]
بداية جديدة في مدينة محدش فيها ساكن
سموها نصر صحرا واسعه وشوية مساكن
حاول وعافر دور بس الفرصة مش متاحة
ماليش مكان في بلدي قالها لنفسه وبصراحة
اتغرب تاني وساب حبيبته للأولاد
في كل سبت كانت مكالمة طويلة في المعاد
يطمنهم عليه ويحكي ازاي بيوحشوه
ويرد عليه ولاده يقولوا نفسهم يشوفوه
الغربة مش اختيار لما يكون مفيش حلول
عمر الفراق ما بيقصر دايما بيزيد يطول
وبنفتكر الهدايا راح تعوض الحبايب
مين قال الهدايا تحل محل الغايب
مرة جواب في صورة مرة شريط في قصة
كل دة مش كفاية اصلك واحشهم لسه
والعمر بيجري طاير زي جري حبيبه ابنه
ورا تاكسي رايح عالمطار زي التاكسي اللي قبله
كان كل مرة يبكي لما ابوه يروح يسافر
وينام في حضنه لما يرجع ايوه انا لسه فاكر
انا فاكر كل كلمة كل تفصيلة وثانية
اصل دي حكاية ابويا مش اي حكاية تانية
تشبه في الحكاوي ياما ناس كتير متغربين
اللي سافروا من شهور واللي هاجروا من سنين
والقصة مش بتخلص أصل الغربة في دمنا
جيل بيسلم جيل واكيد حنسلم اللي بعدنا
[amir eid : اللازمة]
الغربة حال مابينتهيش
بنتولد و فيها نعيش
مابين غريب جوه بلادي
وبلاد كتير ماتخصنيش
[zap tharwat : المقطع الثالث]
قبلنا ومننا ياما حلموا ناس كتير
حلم بأرض خضراء واسعة وخير في الكون ملوش مثيل
ولما صحيوا من منامهم لقيوا كل الأرض بور
فتحوا عنيهم في الضلمة ضلمة العقول
اللي في الصخور يكسر واللي منهم قال يقصر
اللي قصر قام مسافر واللي حاول بعده حصل
في النهاية دي رسالة كلها تقدير لوالدي
عاش حياته بيفني عمره علشان اقول عندي وعندي
Random Lyrics
- karlman - levitate lyrics
- jhef - de passagem lyrics
- nuttii - under siege lyrics
- transcend - pure imaginartion vs mere christianity lyrics
- plvtinum - bodyroll lyrics
- brytiago & darell - asesina (remix) lyrics
- tori amos - precious things (live) [montreux 1992] lyrics
- kalu - rêves de vie lyrics
- kelseybrae - memory of a dream lyrics
- denner / shermann - son of satan lyrics