
züri west - schöne geburtstag lyrics
üse schpezi het geburtstag hütt
u grad e runde un e grade
är fiiret hütt si vierzgischt
für ihn no lang ke grund zum chlage
es geit ihm aus i auem nid so schlächt
är isch verhäutnismässig guet zwäg
är schteut dr kompi ab u leit d’schtiefu a
u är macht sech uf e heiwäg
u i de gasse isch’s scho fiischter
u är louft dür d’loube ueche
u är pfifft sech e chliini melodie
u är fröit sech uf e chueche
u über ds läbe an und für sich
u ufe ne luuschige aabe
är chouft am bahnhof es paar schtümpe
u nimmt ds tram am hirschegrabe
u jitz schteit’r vor sim hüsli
aber d’iigangstür isch bschlosse
u dinne schmöckt’s weder nach chueche
no nach brate oder sosse
es isch fiischter i de zimmer
u es isch fiischter i däm gang
u ds liecht geit nümm u är schteit ziemli ratlos umenang
jitz trälleret sis nokia
es isch sini geliebti
är schteit jitz zmitts ir schtube inn
u sie singt ihm es liedli
u jitz wird gschäkeret u gschnuufet
u när wird’s plötzlech häu
u ds erschte won’re gseht sin e huufe beleitli brötli u sini frou
u sini ching u die auti schwiegermuetter
u sie chef u die verwandte
öppe füfzäh lüt mit luschtige hüet schtöh unger de girlande
schöne geburtstag
i fröie mi sehr ig… i bi grad e chli schprachlos
schöni bescherig
schöne geburtstag!
Random Lyrics
- caroline rose - burn (5.23.25 demo) lyrics
- lu alone - school lyrics
- cutlass supreme - dive bar lyrics
- pantera - drag the waters (early mix) lyrics
- interive - far gone lyrics
- kendall bragi - enjoy the ride lyrics
- babyfacewood - 2smoove lyrics
- jerry reed - alabama wild man (1972 version) lyrics
- alyssa marie coon - made for you lyrics
- دارو - mafesh asasan - مفيش اساسًا - daro (egy) lyrics