abyusif أبيوسف – 3azra2eel | عزرائيل lyrics
[“كلمات أغنية أبيوسف “عزرائيل]
[مقدمة]
بالإكتئاب مرتبط زي الموضة و سعر الشيء
هلاوس الفشل في دماغي فنانة بتبدع بليل
كل ما أقف علي رجلي تقوللي في ودني بتعند ليه
إنت بجد قاعد كل ده في القوضة بتعمل إيه؟
طب بص.. دندن.. بس يا ريت من غير دبدبة
مفيش سرير؟ إقنعنا ليه مرتبة؟
مش كتير؟ إشمعنا البيت مكتبك؟
إعلان جديد؟ كدة تبيعنا؟ فين مبدأك
مش إنت يوسف ألطاي؟ عاشق الأسامي
برافو ع المجهود بجد و عاشت الأغاني…
[المقطع الوحيد]
مش هكذب عليه فا قومت رادد لأ مش هوا
خلص كل إللي كان جوا .. مش فاضل غير عبوة
الوقت للأسف بقى غير مناسب..
إللي فات إتدفن و ماحضرتش المراسم
آسف… إسمي بقى مازن… لازم
أمشي… نازل… بتغير… مواسم
ماتقارنش البط بالطور… ده قطم بالدور
بوستاتك مابتتقريش… خط الدكتور
الصراحة إتحجرت بقت كهرمان
الجراحة فتحت مخي لقت أهرامات
ده علف علي فكرة من عندي
تراكاتك زي الميا في المجرا.. بتعدي
نابي زفر بفوت في الحيط لما الباب يتقفل
لو ماكنتش إتولدت كان في مصر الراب يتدفن
مالك يا بوذا؟ من إمتة بتلبس شوزك؟
و الأهم من ده بتعمل إيه في إعلان كازوزا؟
سبوبة فاكر نفسه في كوبا
أكذوبة دي ركوبة مش محتاج زقة أنا مش زوبا
ملعوبة!!!
إرتاحت؟ إطلاقا
قومت أنا ضاحك نفاقا
دخلت في الموضوع و قومت ساحب الطاقة
بحط سبوت عليهم كإني شاحن الباقة
منصور و الكار جزيرتو…. بتاخدو بالدولار في الهيلتون
من دخلة أول بار سكرتو… بيسقي النار سبيرتو
كل رابر فاشل فيكوا عندو التمبو الخاص بيه
إنتو رخاص فري ده مجال هتبقو إقفاص فيه
جيبوا إللي في بطنكوا نفسكوا تبقوا حامل مني في بيف
حاقن البيبي في عرق سحابة الإمسيز
عندك حيطة لدماغك و عندك حاجب تنتف فيه
أنا السجان بقفل الباب أما أبقي حابب… متفقين؟
من دمك مش بشرب ذوقيا
لو نازل خفيف بقرالك النشرة الجوية
خلاص مش درسي ترجم البارات بالفرسي
في طلاسم ترزي فخيمته؟ ناصب نفسي
موظف تحت الصفر ياما يجيش يا ع العصر أغيب
تعيش إنت القلب ميت بيب بيب عزرائيل
ده خاف ده جلا… مشغول في إيه بخلاف مجالنا
الراب ده جاب أجلنا بشكل ماتتصورش غلاف مجلة
شهير باسم مازن عندليب شمال الدقي
. حبين رزالة بقي.. لو جيت في بالك نقي
مش عارف ليه بصراحة دايما علي اتنين صباحا
ببقي شخص مابيعرفش يتكلم من غير وقاحة
هقولكو السر علاما أحط السرج علي ظهركوا
ستيل علي بطنكو… سايبه يسيح مالغل علي مافركوا
بكتب إعلانات ببيع بطاس و سم فران
عادي ما شركة ريد بتكسب من تكاثر الدبان
مابتحطش وسطهم أكيد مفيش ديناميت في المول
إسمي إنفجر ده قذف بحجة إني أجيب مالبيت بترول
إشتغلت إنت في غيابي عشان أكيد وجودي ساطل
راكب قدام أنا كاتم صوت سكوتي قاتل
ديه الصدمات التابعة… ناقص لدعة و نبقي من العظماء السبعة
البقاء إستدعى إن أقوم قاذف أبعد …
الفرخة باضت؟ جادعة إيش جاب البيض للفرخة بكشك
طوبة تروح من سطوح لسطوح و تقوم شارخة الدش
خلاص شايل انا الباقي.. هيلمة تلاقي
اسمي ضرب يا ترا هل تري اين اشلائى؟
طفل… فسلة.. صفر.. تفة..إنت بئف في الروضة
بتجيلي بقفل الروتر… شطبت السقف تتفوتر…
و ابقوا بس افتكروا كويس ان انتوا اللي جبرتوه
خد وصلك اصلا انت وصلت بواسطة يسطا و ده بركور..
بردك ابن ناس… بلتصق في اللاب
اشمعنا سمعنا فترة غطرسة كلاب اطلس البلاد
بقيت رمضان… بيبي إشترت فانوس
بالكوخة ببخل مخك اتخن من الملك فاروق
أنا قرصان. فرجت الطقم علي نطت القبطان
خلصان و قبعته… بين القطر و القضبان…
شبطان.عندك باندا في غانا عاملة تندا في غابة
.عبلة كات كذابة.عامة بتغابى.علي متن دبابة..
موتور الرالي… سيمفوني أوركسترالي
براب عشان أمك مش فاضيالي
Random Lyrics
- insurrection – set the world on fire lyrics
- unotheactivist – no lick lyrics
- ombre cinesi – yoga lyrics
- jordang17 – distance lyrics
- sammy ray – hope you’re happy now lyrics
- d’meetri – nuknowit lyrics
- el bandito – level one lyrics
- i cachi d’aspa – tutti dicevano lyrics
- yoshua – citrus lyrics
- young pizza boy – kolejny lyrics