awtaf – السَّبَّابة – el sabbabeh lyrics
بتساءل باخر فترة شو بتعني الكرامة
يعني انك ترضي نفسك تعيش بدوامة
هل يعني كون مؤدب او عيش بكئابة
يمكن بس احفظ كرامة لازم اضلني مثابر
فش ضل منها اسهل ولدنا جنب الدبابة
حكولنا الزمن بغيّر واعطونا بوابة
من فترة بأيد انو جروحنا فش الها سوابق
من سبعة اكتوبر عرفنا معنى السبابة
فش اوامر يبدو خلّص دوامن
معرض خليجي بيحكي عالشتات كانو معمل دواجن
كلنا ملتمين بس في ملتم واحد بيسابق
فصائل عالشاشة بس حشرات جوا الغابة
لا تصرعونا بقيادة هي ارواح مش سياسة
بدناش نراجع نيابة هاد جواز صالح للابادة
بزداد فضائح زيادة واثبات
لو فيني ازداد
قلبي دليلي وايدي عالزناد كل دقة بتزيد عدّات
صرت شوف اشلاء جثث اطفال وولاد
وحس بتخاذل الناس حاول ارجع انام
فش خوف بس سبات
ثباتي الانفعالي بيخزيني بس يكون الحديث عن الجهاد
في ازدياد بحس نهايتي متل طارق بن زياد
كلنا انبياء الصبر بطبطب عكتفي والخوف ذهاب اياب
فظائع الاستعباد مش طبائع الاستبداد
وقائع لاستكمال مصانع للاحتلال
مراجع لاستقبال بضائع الاستقلال
بقاطع الاستغلال بس فاقع من اجيال
بمشي كتير أميال
اوطف
صراع داخلي بيحكيلي
من خوفي صرت ابني نفسيتي عمهلي
فش مكان يجذبني
بقعد جنب اية الكرسي
صرت بحقد عكلشي
مش عارف شو امثل اذا مش قادر امثل نفسي
ارق
لو بعرف اعصابي بتخذلني بمشهد بحسسني بغرق
لو معلش بيحكي بتكلّف بتسلّف وبرجع بدوّن عورق
برجع بالمقارنة وجع مقاربة
مافيني قارن اللي صرّخ علقان بين العقل والمرض
علقان بسكيّنة بس ماشي بوسيلة
دليلي واحتوائي بس عالقرف
كني شادد راحة بالي من الارق
نفساني فاجئني نبهني لما الوقت مابيحل بس بيأجل اللي انضرب
بديش اتعوّد عمنظر الموت
بديش اتعلم انو ارواحنا بتهون
بديش اتعلم انو بيوتنا اد ماوقعت بتتعمر
بديش خلي للزمن ديون
بدي ضل حافظ عشكل دماغي
بحيث ولادي بيقدرو يميزو بين الشعر العربي وشعائر بلادي
مش قادر اكون هادي
مش قادر اكون مستقيم مش قادر اكون الهادي
في معركة براسي اصعب بس من تقسيم اجدادي
يمكن في لعنة بالماضي بتصعب عحمل رفاتي
عم نروح ضحايا بين الاظلم والبادي
بيني وبين الجنون في تقارب انسيابي
انا وامتيازي عايشين بعالم موازي
انا واستيائي عايفين الشعب الحيادي
مش قادر اكتر عم اتعب وبخلص جزئيا من معركة راسي
Random Lyrics
- andrenalin – блюз (the blues) lyrics
- dutch melrose – pretty please lyrics
- luis cortés & david marley – musas lyrics
- heartbrkkidd – how it ends lyrics
- bo9al – omg lyrics
- kloutsanta – higher and shi lyrics
- bettina russell – sex with the devil lyrics
- ann-marita – black bear lyrics
- michael webster – unburnt lyrics
- motive – üzülme öldüğümde lyrics