black tiger – babylon lyrics
babylon
(lyrics: black tiger; music: black tiger)
scratch: „das system ist mein babylon“
(strophe 1)
es draiht sich alles nume ums gäld uf dere wält
liebi und hoffnig, isch das was uns fählt
me quält sich durch dr alltag, wartet uf dr zahltag
überall sage mir d’lüt s’glich
lebändigi liiche schliiche umenand
die riiche hän uns in dr hand
trotzdäm simmr no s’ demokratischte land
au wenn das villi nit wän seh, denn es isch ’ne egal
es tönt und isch b-n-l, doch es isch real. voll fatal lön sie sich triibe
und liide und schwiige (wieso?). denn sie wän die gschiide bliibe
denn wär ufmuckt, dä wird untrdruckt
und drum isch es vil eifacher, wemme sich duckt
arbetslosigkeit macht sich breit
und plötzlich macht me das was dr arbetgäber sait
dr druck schtigt und wär ufgit, schwimmt mit em strom
und mündet schlussändlich in babylon
(refrain:)
babylon, in babylon do läbe mir
frog dini schweschtr oder di brueder näbe dir
babylon, in babylon do läbe mir
(strophe 2)
dr reschpäkt isch wäg. das isch das, was unsri jugend prägt
d’tugend pflägt hützutags nur no sälte öbber
gäld und konsum gälte als göttter
zahlrich sin d’schpötter und d’niider
denn die fühle sich gschiider und lache
über d’sache wo mr uselön
doch ihri träum wött ich nit ha, wenn sie go pfuse gön
d’unterhaltig dient drzue uns z’untrhalte, dunte z’bhalte
um uns umzgeschtalte. es sin die alte gsetzt vo brot und spiel
und au mir hän uns beloge und betroge
wil mir alli zämme mitmache, mitlache und d’tatsache vrdränge
d-ss mir uns alli sälber iiänge
ins s’syschtemizwänge, wo unsri gsch-llschaft gmacht het
das isch dr priis uf dä schlussändlich niemerts me achtet
(refrain:)
babylon, in babylon do läbe mir
frog dini schweschtr oder di brueder näbe dir
babylon, in babylon do läbe mir
hützutags goht alles nur no um dr flash und dr cash
umeflexe und s-x jetzt und s’fescht, wo de hesch
harti parties mit schickimickis und chicks
mit kiddies mit trips im grips und b-tches mit schwips
Random Lyrics
- hypergear – superactivity lyrics
- mulatto – nobody lyrics
- young goldie – stuntin lyrics
- jar pacino – sub-zero lyrics
- la trakalosa de monterrey – adicto a la tristeza lyrics
- kur – i hope you feel me lyrics
- iu – palette (팔레트) lyrics
- sho baraka – on my lord lyrics
- oudaden – ad akkw ur taɣ teguḍi (fr) lyrics
- lana delina – istina je ljepša neg što mislimo lyrics