chlyklass – heili wäut lyrics
[verse 1: fantu]
ir wohnig vom maa womer as chinder hei pirat gnennt wohnt iz e junge typ mit bart
wemer dusse si grennt isch e spiesser uf e baukon mit em gwehr
ha immer angst gha vo dere häx im parterre
aber zyt het sech gänderet, velos mit farbige ahänger fahre iz
unger offene fänschter hange rägebogefahne duss
a lachyoga kurs wird drazaut, aues versicheret
d’str-ss schmöckt nach blueme wües am aabe no het gwitteret
windredli dräie u stängeli bimmle im wind
e muetter stiut, e vater spiut mit sim chind im park
iz bini no e heud für di u starch wi der superman
schwinge di dür d’luft das chasch flüge wi der superman
ir str-ss mit em huus wo d’giele hei müesse lehre giigele
u nie a yb match hei dörfe, immer nume i d’biblerä
hets chridezeichnige am bode, u chläber gäg atomstrom
a de briefchäschte, n-ssi tische ufem baukon
[chorus]
u das isch aus was mir scho für di hei gmaut, hei gmacht
hingerlöh e heili wäut, eifach e heili wäut
we nur au wäre wi mir de wär eifach aus so eifach
es wär e heili wäut, eifach e heili wäut, nüt aus e heili wäut
[verse 2: serej]
vom garte diräkt i dritt stock wi im leiterlischpiu
o füre tätschfeiss moudi vo obedrann es chinderschpiu
dr nachbar macht es stägli ganz suva konform
ihm si kolleg isch archidekt schüsch geit ds tier no ds tod
zwe schtüeu ufm baukon i spezielle farbtön
u d blueme ufm gländer si jedes jahr wahnsschön
komposcht näbem schnittlouch ufm fänschtersims
tomate usm gmeinschaftsgarte si geng dr hit
immer di chärre wo chinder gfärde
me fahrt lieber velo mit em chörbli vor bim länker
es outo het me o aber nume wägem bügu wäg de
chinder kita wäg de ferie nid wägem bequeme
me git anang ds bachbläch tröler u güetziforme
hets so guet ungerenang me grüesst sech jedä morge
es dorf ire schtadt wis so mängs git bi üs hie
im summer duet me zäme grille im winter gits glüehwi
[chorus]
u das isch aus was mir scho für di hei gmaut, hei gmacht
hingerlöh e heili wäut, eifach e heili wäut
we nur au wäre wi mir de wär eifach aus so eifach
es wär e heili wäut, eifach e heili wäut, nüt aus e heili wäut
[verse 3: krust]
es het es mitteli fuer jede i der apothek
der egge mittem cd lade isch itze e beck
sisch dr glich beck wis im quartier scho eine het
näbem coop wme stromsparlampe und batterie trennt
und imne hof ligt loub me gseht ds boumhus
wird morsch – entspricht nid dr eu verordnig
im park spilesi im sand dr jean charles bout e turm mit zwöi
stockwär är isch vilech hochbegabt
d schwo brucht älnger doch wird gförderet im hip hoptanze
nahbar het e master im grünflächegstaute
i dere wohnig wod frou stucki isch gstorbe
wo aube het abegschroue me söu nid beeri cho roube
[verse 4: tiersch]
ir quartierbeiz gits itz ds bier ersch ab 7 franke
bir gelateria am egge schtösi itz scho risä schlange
äs het viu ching u viu gö scho i vorchindergarte
scho wieder äs huus saniert gseh äs tram verbi fahre
ga zum mim schutplatz aus professionell wördä
mit kunstrase sponsore u elite-juniorä
di trainiere scho itz mit system 4-5-1
loufe dür mis quartier isch nüm ganz mis i weiss
ufem spiuplatz näbädran musch di schämä bim rouche
kämpfämi dürä biomärit wott itz ändläch ichoufe
bi de wohnigsinserat nume horrände mietinä
s’ het zwiu lüt im coop choufe ä stange u schiebene
[chorus]
u das isch aus was mir scho für di hei gmaut, hei gmacht
hingerlöh e heili wäut, eifach e heili wäut
we nur au wäre wi mir de wär eifach aus so eifach
es wär e heili wäut, eifach e heili wäut, nüt aus e heili wäut
Random Lyrics
- alison krauss – i never cared for you (live) lyrics
- dj ötzi – ein stern (der deinen namen trägt) – party mix lyrics
- edgar oceransky – kilómetros de cielo – live version lyrics
- ajj – sad songs (intermission) lyrics
- souldia – kurt cobain lyrics
- elin ruth – when it comes to you – * lyrics
- milky chance – fado lyrics
- best swing set – best swing set lyrics
- swagzdaking – blessin lyrics
- yangvarg – danceswithdeath lyrics