dodix – domoo3 tamatheel | دموع تماثيل lyrics
[المقطع الأول]
متعلم كيف أحسب النعمة بالتكّة بالنتفة
طفولتي مش سهلة، أحداثها الي بتحكي. متذكر
أبوي بضحي باجار طريق لشغله ليزيد مصروفي حبّة
بحكي عادي وبكذب، وأنا للآن متأكد
انه طالع يمشي لدوامه يومها
لا مرسيدس ولا كامارور صافّة يومها
بس غيوم وقاتم لونها
كنت مغلول وحاقد عالحياة المعوهرة
اخدت وقت لأعرف اني ما بسواش بدونها
ومش محتاج ياخوك، بعطيك إديّ تبوسها
وقول عدي بسوقها، رح تنزل عأول كوربة افوتها
كمّل اوبر، ضيع وتبعتليش بس توصل
جبنا سيرة مبارح وما تذكرنا أي شي بخصوصك
أحداث مخبوصة، والأكتاف ما بتوسع هالأحمال
مقطوعة تعزف فيّ، وأنا؟ لوقا بكتب بأسفار
جوبا بقنص بلا منظار الرؤية توضح بعد إعصار
بتوقع… لانا بتحكي: موتك ما بيجي بإشعار
[اللازمة]
عيوني ناشفة بعصرها ومو راضية تسيل
هاي السطور تعويذة فالأشباح بتلاحقنيش
كل ما تهرب من شبح رح يرجع يلاقيك
لانه احنا في الحقيقة كل البنحاول نخفيه
[المقطع الثاني]
عند أمي كان ماكينة خياطة
قايمة بكم بنت صاحبتها وكم حدا من الحارة
اضطرت تلعب غير أدوارها لما الوالد سافر
وشان ننام ونكمل حلم هي تركت كل أحلامها
ويوم قبول الجامعة…
سجّلت موازي ما قدرتش أتنافس
تمنيت رصاصة لما شفتها طالت
قسط فلوس من عيدياتها
بكيت كثير أيامها، مفكر اني كبير
ومش طالع في ايدي غير الفراطة
شو حبيع؟ ولو عخسارة
شو حبيبي؟ لقيت الكون مش مختارك؟
عرفت مين صحيح ويجربلك أعشارك؟
مش بكفي وانت تكحّل عينها راحت؟
مش ناقصة المسكارة هسه سيبها
ومش ناقصة مزحاتك
بحكي وانا متصالح مع كل هالمصايب، حاف
وبحمد الله، انه فوقي سقف وتحتي لحاف
بذكّر حالي بعيبي مش لجلد الذات
عم بعترف، والفرق كبير بين جلد الذات والاعتراف
[اللازمة]
عيوني ناشفة بعصرها ومو راضية تسيل
هاي السطور تعويذة فالأشباح بتلاحقنيش
كل ما تهرب من شبح رح يرجع يلاقيك
لانه احنا في الحقيقة كل البنحاول نخفيه
Random Lyrics
- suicide silence – full void lyrics
- dave matthews & tim reynolds – say goodbye (live at luther college) lyrics
- mcguinness flint – reader to writer lyrics
- the new pornographers – pontius pilate’s home movies lyrics
- vybe – ты lyrics
- lafate fate – pimp’n through the jungle lyrics
- dispirited spirits – saturnine saturn dreams lyrics
- exavier.me – play the game lyrics
- destroy lonely – love the feelin’ lyrics
- msimpsonmusic – so long lyrics