el joker – el hob fe onoq elzogag | الحب فى عنق زجاجة lyrics
[المقطع الأول]
بصي من ورا الستارة على الناس اللي ماشية تحت
بيسجدوا لأصنام شبعوا فيها نحت
تعالي أعلمك إزاي أنا بنحت عمري ما أركع
أي حاجة حلوة في عينك إكرهيها فورا
ها، مش حاسة بتحسن عن من لحظة
على الأقل مفيش جزيرة هتعوميلها أصلاً
طيب، إثبتي على كده، إنتي مكانك هنا
مش هنعمل أي حاجة بلاش نعملهم على نفسنا
ما تطفيش النور عن مين هنداري اللي بنعمله
مش هنبقى في المستنقع ونجيب عطر نستنشقه
بصي لمنظرنا، هربانين من ضلمة لضلمة
إنتي وأنا عارفين إن جهنم في إنتظارنا
ما بحطش أكليل، فوق مساكن ميتين
يوم حسابنا مش هتداري هتستخبوا يا كدابين
مريض بأحدث مرض نفسي هيكتشفوه على الكوكب
مش هتلاقي أحسن مني ولا هتلاقي أسوء
[اللازمة]
مستني إننا نقرب رغم كنا بنبعد أوي
مستني تقاطع تاني لخط مايل مع مستوي
أقصر طريق ما بيننا أقصر جزء فيه ملتوي
أقوى شيء ربط ما بيننا كان في حياتنا شيء ثانوي
[المقطع الثاني]
إبعد عنها شوية ماتمسكش فيها بضفرك
اللي أنت بتتنفسه دا ثاني أكسيد كاربونها
بطل تدقق فيها وأنت صاحي وقت نومها
مش هتحس إنك سهرت حارس غطاها الليلة بطولها
هي عارفة إنك مريض، هي حابة إنك مريض
هي فاهمة معنى النظرة، بس كارهة إنك صريح
قدف أنت وهي لحد وصولها بالسلامة
وإمشي من حياتها لكن سيبلها أنقاض كلامك
تعالى أعلمك إزاي أنا بجري عمري ما أنهج
شايفة أبعد نجمة؟ أقرب حد مني أبعد
وبزيد البعد، تزيد القوة، يضيق النفس، أحس بذعر
يطول نفسي، ومهما جعت، أزيح عن طرقي كل طعم
إرمي فوق العرش التاج، غيري برضو مش ملاك
أنا مرض بقول أنا مرض، هو مرض هيقول أنا علاج
بحطم الأصنام اللي إنتي عايشة بتعبديهم
عشان تتوبي مش تعمليلي واحد وتسجديله
[اللازمة]
مستني إننا نقرب رغم كنا بنبعد أوي
مستني تقاطع تاني لخط مايل مع مستوي
أقصر طريق ما بيننا أقصر جزء فيه ملتوي
أقوى شيء ربط ما بيننا كان في حياتنا شيء ثانوي
Random Lyrics
- shayla the artist – love at first like lyrics
- rosemary fairweather – strawberry milkshake lyrics
- ben lawrence & j.steph – why do i feel this way… lyrics
- kim areum (김아름) – 잠수모드 (diving) lyrics
- 3dbs down – two fingers lyrics
- hardwell & austin mahone – creatures of the night (pbh & jack shizzle remix) lyrics
- slade the supreme – roses lyrics
- the low mays – 蝙蝠俠陰謀論 batman conspiracy lyrics
- jesse daniel – angel on the ground lyrics
- ben caplan – beautiful (reimagined) lyrics