el joker – fasla | فاصلة lyrics
[المقطع الأول]
ده تاسع طبق أكل يرجع زى ما دخلك
مالك ؟ يابنى إتكلم معايا ، إيه مشاكلك ؟
مشاكلى ! بجد مش باين على شكلى ؟
i’m a f+ckin addict
إطلعى بـ طبق أكلى
blah blah بعد عيا اﻷم وموت اﻷب
أصبح صعب يفضل ؛ جحا ملوش فى البيت مُسمار
بيوت بتستقبله ، جرامات بتتحطله
مكانش فاشل وﻻ فقير زى ما أنت مُتخيله
الهيروين محتاجه ، ﻷجل ما يواصل إنتاجه
علشان ضعيف وحقيقته مرضه استسهل الهروب كـ علاجه
مشي بسرعة الشريط ، فوجئ فى اﻵخر إنه وحيد
شخص مصاب بـ أنا زيف ، شخص محاط ب أكاذيب
عاش لعيد ميلاده المية ، و وفاته كانت طبيعية
موت المدمن أوفر دوس مش عقاب بالنسبة ليا
بالعكس عقابه يعيش ، وكل مرة ، بعد الضربة
يعاهد نفسه إنه مش هيكررها ، وطبعا مبيوفيش
[اللازمة]
مهما بانلك الطريق ، إتجاه واحد ﻷ فى
أكتر من إتجاه تمشيه ، صعب لكن مش مستحيل
زى ما جملة بسيطة تبانلك ليها معنى واحد بس
وفاصلة فى وسط نفس الجملة تقلب معنى السطر العكس
مهما بانلك الطريق ، إتجاه واحد ﻷ فى
أكتر من إتجاه تمشيه ، صعب لكن مش مستحيل
زى ما جملة بسيطة تبانلك ليها معنى واحد بس
وفاصلة فى وسط نفس الجملة تقلب معنى السطر العكس
[المقطع الثاني]
ده تاسع طبق أكل يرجع زى ما دخلك
مالك ؟ يابنى إتكلم معايا ، إيه مشاكلك ؟
مشاكلى ! بجد مش باين على شكلى ؟
i’m a f+ckin addict
إطلعى بـ طبق أكلى
blah blah blah بعد عيا اﻷم وموت اﻷب
أصبح صعب يفضل جحا ملوش فى البيت مسمار
فصحح جحا مساره ، وقت الضيق كان إختياره
يكون راجل مسئول فيدق فى بيت أسرته مسماره
ركز أكتر فى شغله ، عالج أمه وعلم أخته
دخل فى جسم اﻷسرة والهيروين من جسمه بيخرج
فشل يشد أصحابه فـ تدريجيًا إتفرقوا
وصايا أبوه كان كل ما يبدأ يضعف بتفوقه
بعد وفاة اﻷم ، وبعد ما جوّز أخته بسنة
كان كوّن نفسه ف أتجوز وخلف بنت وولد
عاش لعيد ميلاده المية ، ومات فى حضن زوجة صانته
أتمنى يفيدك كل معنى الغنوة وصلته
[اللازمة]
مهما بانلك الطريق ، إتجاه واحد ﻷ فى
أكتر من إتجاه تمشيه ، صعب لكن مش مستحيل
زى ما جملة بسيطة تبانلك ليها معنى واحد بس
وفاصلة فى وسط نفس الجملة تقلب معنى السطر العكس
مهما بانلك الطريق ، إتجاه واحد ﻷ فى
أكتر من إتجاه تمشيه ، صعب لكن مش مستحيل
زى ما جملة بسيطة تبانلك ليها معنى واحد بس
وفاصلة فى وسط نفس الجملة تقلب معنى السطر العكس
Random Lyrics
- rena morfi – ιπποτικό (ippotiko) lyrics
- sneaky d. fak – after party (don toliver remix) lyrics
- steve adamyk band – anne lyrics
- emotional oranges – lock it up lyrics
- phil thompson – constant mercies lyrics
- ka$hdami – i know lyrics
- nksn – dachte du bist es lyrics
- data luv – space coupe lyrics
- joshua valdez – one last round lyrics
- rb4 (알비포) – 난 널, 넌 날 (i do, but you don’t) lyrics