guillaume de machaut – je ne cuit pas qu’oncques à creature lyrics
je ne cuit pas qu’oncques à creature
amours partist ses biens si largement
come à moy seule et de sa grace pure;
non pas qu’aie desservi nullement
les douceurs qu’elle me fait
car gari m’a de tous maus et retrait
quant elle m’a donné, sans retollir
mon cuer, m’amour et quanque je desir
et pour ce sui pleinne d’envoiseüre
gaie de cuer et vif tres liement
et ren toudis à amours la droiture
que je li doy; c’est amer loyaument
en foy, de cuer et de la fait
et ceste amour pensée ne me laist
qui joieuse ne soit pour conjoïr
mon cuer, m’amour et quanque je desir
si qu’il n’est riens où je mette ma cure
fors en amer e loer humblement
amours qui me norrist de tel pasture
com de mercy donnée doucement
d’amoureus cuer et parfait
mais la merci qui ainsi me refait
c’est de veoir seulement et oïr
mon cuer, m’amour et quanque je desir
Random Lyrics
- peter maffay – du (live) lyrics
- alacrán mc – prende el micro lyrics
- rusyao – 2021 lyrics
- the rabbi himself – hold ft jordan baker lyrics
- derange – ego lyrics
- fresh menace – gone lyrics
- savitarka – каспер (kasper) lyrics
- the pretty reckless – standing at the wall lyrics
- mac miller – build it up lyrics
- hollyflame – цыпа танцуй (chick dance) lyrics