guillaume de machaut – qui n’aroit autre deport lyrics
qui n’aroit autre deport
en amer
fors dous penser
et souvenir
avec l’espoir de jïr
s’aroit il tort
se le port
d’autre confort
voloit rouver;
car pour un cuer saouler
et soustenir
plus querir
ne doit merir
qui aimme fort
encor y a maint ressort:
ramembrer
ymaginer
en dous plaisir
sa dame vëoir, oïr
son gentil port
le recort
dou bien qui sort
de son parler
et de son dous regarder
dont l’entrouvrir
puet garir
et garentir
amant de mort
et qui vorroit plus souhaidier
je n’os cuidier
si fol cuidier
que cils aimme de cuer entier
qui de tels biens n’a souffissance;
car qui plus quiert, il vuet trichier
s’amours tant chier
l’a que fichier
deigne par l’euil de son archier
en son cuer d’eaus la congnoissance
et pour c’endengrée
s’est douce pensée
en mon cuer et enfermée
qu’adès me souvient
de la desirée
dont ma joie est née
et l’esperance doublée
que de li me vient
mais quant je voy
le trés bel arroy
simple et coy
sans desroy
de son corps, le gai
et que je l’oy
parler sans effroy
par ma foy
si m’esjoy
que toute joie ay
et se par desir recueil
aucun grief, pas ne m’en dueil
car son trés dous riant oueil
tout adoucist
le grief qui de desir ist;
si me plaist et abelist
tant qu’au porter me delist
plus que ne sueil
fors tant, qu’en aucune maniere
ma dame chiere
qui de mon cuer la tresoriere
est et portiere
sceüst qu’elle est m’amour premiere
et darreniere
et plus l’aim qu’autrui ne mon bien
nom pas d’amour veinne et legiere
mais si entiere
que mieus ameroie estre en biere
qu’a parsonniere
fust, n’en moy pensée doubliere
tels tousdis iere
comment qu’elle n’en sache rien
si n’est voie
qui m’avoie
comment descouvrir li doie
par nul tour;
car sans retour
je morroie
se j’avoie
refus, et se je vivoie
ma baudour
seroit tristour
dont la bonne et belle
comment sara elle
que de li vëoir
en mon cuer s’ostelle
une amour nouvelle
qui me renouvelle
et me fait avoir
joieuse nouvelle
de quoy l’estincelle
fait sous la mamelle
mon fin cuer ardoir?
s’en frit et sautelle
que homs ne damoiselle
dame ne pucelle
ne le puet savoir
si le port et selle
amours que j’en pri
qui volt et souffri
qu’a li, sans detri
quant premiers la vi, m’offri
li porra bien dire
que pour s’amour fri
sans plainte et sans cri
et qu’a li m’ottri
comme au plus trés n0ble tri
que peüsse eslire
car ens-m-nt
vueil liement
joliement
et gaiement
en ma dame amer loyaument
user toute ma vie
si franchement
que vraiement
se j’ay tourment
aligement
n’en vueil, fors souffrir humblement
ma douce maladie
car comment que desirs m’-ssaille
et me face mainte bataille
et poingne de l’amoureus dart
qui souvent d’estoc et de taille
celeement mon cuer detaille
certes bien en vain se travaille
car tous garist son dous regart
et pour ce, sans nul descort
endurer
vueil et celer
l’ardant desir
qui vuet ma joie amenrir
par soutil sort;
si le port
sans desconfort
et vueil porter;
car s’il fait mon cuer trambler
taindre et palir
et fremir
a bien souffrir
dou tout m’acort
il me fait par son enort
honnourer
servir, doubter
et oubeïr
ma dame et li tant chierir
qu’en son effort
me deport
quant il me mort
et vuet grever
mais qu’a li vueille penser
qu’aim et desir
sans partir
ne repentir;
la me confort
Random Lyrics
- diomedes chinaski – você é tudo que tenho lyrics
- malcolm quest – this mornings allure lyrics
- carlão (pacman) – entre o céu e a terra lyrics
- trey topper – neckbeard lyrics
- udo lindenberg – messer in mein herz lyrics
- eros white – aesthetic lyrics
- frio minds – woke lyrics
- narcissus narcosis – sindica (smokinn sippinn sniffinn sinninn) lyrics
- future islands – changing your life lyrics
- the knife – lasanga lyrics