jean redpath - tam glen lyrics
my heart is a-breaking, dear t-ttie
some counsel unto me come len’
to anger them a’ is a pity
but what will i do wi’ tam glen?
i’m thinking, wi’ sic a braw fellow
in poort-th i might mak a fen;
what care i in riches to wallow
if i maunna marry tam glen!
there’s lowrie the laird o’ dumeller-
“gude day to you, brute!” he comes ben:
he brags and he blaws o’ his siller
but when will he dance like tam glen!
my minnie does constantly deave me
and bids me beware o’ young men;
they flatter, she says, to deceive me
but wha can think sae o’ tam glen!
my daddie says, gin i’ll forsake him
he’d gie me gude hunder marks ten;
but, if it’s ordain’d i maun take him
o wha will i get but tam glen!
yestreen at the valentine’s dealing
my heart to my mou’ gied a sten’;
for thrice i drew ane without failing
and thrice it was written “tam glen”!
the last halloween i was waukin
my droukit sark-sleeve, as ye ken
his likeness came up the house staukin
and the very grey breeks o’ tam glen!
come, counsel, dear t-ttie, don’t tarry;
i’ll gie ye my bonie black hen
gif ye will advise me to marry
the lad i lo’e dearly, tam glen
Random Lyrics
- ola magnell - fan på väggen lyrics
- trout fishing in america - i think i'll need a bandaid lyrics
- daniel o'donnell - excuse me (i think i've got a heartache) lyrics
- kryštof feat. sima martausová - hvězdáři lyrics
- balimurphy - ton numéro lyrics
- tom petty - it'll all work out lyrics
- lil wet wet & bedhead - beachparty lyrics
- nasty - zweifel lyrics
- busta rhymes - arab money (promo only clean edit) lyrics
- eva - millions lyrics