marwan pablo – nicotine lyrics
ايدية بقت زعانف عايم ف بحر دم
مش هالمسها حالف والنسيم مش هايتشم
اتجمد وسط النار وابقا كسرت القاعدة
مش شايف غير الدمار تفتكرو محتاج مساعدة
انا عينية مش ف بقي وبقي مش ف قلبي
بقول للساعة دقي بدل مايقولو علية سلبي
وكلامي مبقاش مفهوم طاير وسط السحاب
الورق بيطير من ايدي وبيتكون كتاب
كتاب ورقه مقطع يمكن يكون ملعون
كتاب يحبسك جواه زي زنزانة السجون
مطحون ف النظام اكنك انبوبة معجون
العالم دة مش طاهر العالم دة مسموم
مش هافضل اقولكو حاضر اكن البيت مسكون
مسكين الي مش مجنون ومسكين الي بيفكر
بقيت مش منظم قبل مارسم مش بسطر
بس كتر البنج خلاني افكر بعمق اكتر
دايما بنلف فيها وتايهين
نشرب السم بس ف صورة نيكوتين
عقلي بيتفكك من كتر التفكير
بطئ الحركة هو سبب التاخير (x2)
قصة حياتي هاتتحول حدوتة قبل النوم
بتشك ف كل حاجة وتقول ملوش لزوم
والزوم يقرب بينا ويكبر الاماني
بقرب منك غصب عني جمالك عماني
ولما خسرت تاني قررت اني اتغير
شايفين اني اناني ومع ذلك املي قصير
فاني اعيش افضل ادور ومبلاقيش
بنزف احداث بسببها جوا دماغي مابتتنسيش
حولت الضعف وردة ف هاضطر اقطع جذورها
هامشي ف الضلمة لوحدي ومش هاحتاج ل نورها
مش هاقطع اللسان الي ف مره جرح شعورها
بس لو النهاية جت اتمني دوري يجي قبل دورها
لا مش هاضحي تافه مش فاضي
اوفر عمري ل حد تاني سميني اقتصادي
مش هاشرب تاني وعدد مني بجد غير المرادي
شايف الملايكة واقفين قصادي
مزيكا عالية مش سامع حد
بقع ف نص حارة والحارة فيها سد
بضرب السد ضربة السد بيتهد
وبطلع اجري بسرعة رجلي بتتشد
الجد جد واوهامي صدقتها
هالويي دراعي لو رحت عندها
انا مش بخاف كانت اكبر كدبة كدبتها
عمر الي شاف يحس حاجة انا عيشتها
دايما بنلف فيها وتايهين
نشرب السم بس ف صورة نيكوتين
عقلي بيتفكك من كتر التفكير
بطئ الحركة هو سبب التاخير (x2)
Random Lyrics
- the stone poneys – evergreen part one lyrics
- lil a.p – the flow lyrics
- vista – on the brink lyrics
- young diamond – not because lyrics
- heatwave – closer to me lyrics
- jungle brothers – jungle brother (a cappella) lyrics
- heather hills – so good lyrics
- plantmyname – угадай, кто? (guess who?) lyrics
- ruin the beat – real homies lyrics
- d-a-d – money always takes the place of life lyrics