massar egbari – mosawmat lyrics
[الكوبليه الأول]
أول دكتور تطعيم
إداني ميدالية هدية
علشان تشميرة كم
وأنا كنت بأساوم أمي
تديني فلوس من جيبها
لهدية عيد الأم
وساومت سلالم بيتنا
إن أنا مش هاجري عليها
وقصادها ما تتعبنيش
و ساومت كتير دكتوري
علشان يكدب على والدي
و يقوله ابنك هيعيش
وساومت الموت على حاجة
ومفيش داعي إني أذكرها
علشان ما أخلفش الوعد
وساومت الحب الأول
إن أنا مش هاعرف غيرها
علشان نفضل مع بعض
و ساومت الحزن بضحكة
و ساومت الضحكة بوحدة
و ساومت الوحدة بواحدة
و ساومت الواحدة بشك
[اللازمة]
وكبرت شوية، لقيتني
قضيت عمري مساومات
علشان مهتم بحاجة
بتضيع قدامها حاجات
[الكوبليه الثاني]
وساومت فلاش الكاميرا
إن أنا هاضحك ويطلع
الصورة بدون أحزان
ووعدت اللون الأسود
يفضل دايماً أقرب لي
من زغللة الألوان
وساومت الذكرى إياها
أفضل عايش جواها
و تعلمني النسيان
وساومت صحابي عليا
على قد ثقتهم فيا
أفضل نفس الانسان
في مسافة مابيني ومابينك
أنا مش ماشي في شرايينك
كان ممكن أساومك لكن
صورتي هتتهز فى عينيكي
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات
[النهاية]
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات
Random Lyrics
- joey bada$ – hazeus view lyrics
- peggy zina – πως να το παλέψω (pos na to palepso) lyrics
- ejmatt – napad na bubel lyrics
- the mayflies usa – a change in the weather lyrics
- zugezogen maskulin – vatermord lyrics
- madsen – generation im arsch lyrics
- pouya – strange lyrics
- the cult – love removal machine (peace remix) lyrics
- antimattr – versus lyrics
- peggy zina – εγώ τα σπάω (ego ta apao) lyrics