mikaelo bronŝtejn – mia nomo ne gravas lyrics
[teksto de “mia nomo ne gravas” ft. mikaelo bronŝtejn]
[strofo 1]
mia nomo ne gravas
mia aĝo – des pli
nur modestan kanteton
mi prezentos al vi
malaperas amikoj
en haladzo de l’ viv’
nur pri tio bedaŭras
mia simpla motiv’
[strofo 2]
estis iam aktiva
unu nia amik’
lia ventromelono
kreskas nun kun efik’
li adoras tagmanĝon
vespermanĝon – des pli
matenmanĝo abunda
estas sankta por li
[strofo 3]
li eĉ aspirantiĝis
ŝajnas, ke pro malsat’
ĉar pli bonan tagmanĝon
havos la kandidat’
lia ĉefo ordonis
kun mirinda rigor’
“malbenitan lingvaĉon
vi forĵetu el kor'”
[strofo 4]
“iru for, esperanto”
li ekploris kun trist’
“povas nun nur doktoro
resti esperantist’
kiam mi doktoriĝos
mi forkuros el hejm'”
pacience atendu
la doktoron, ho, sejm
[strofo 5]
en tendaroj aperis
simpatia fraŭlin’
ĉiu dua junulo
en anim’ amis ŝin
ŝiaj bluaj okuloj
estis vera turkis’
pro agemo kaj belo
ni elektis ŝin miss
[strofo 6]
tamen, pasis la tagoj
post gepatra admon’
ŝi akceptis proponon
de la certa person’
kiu dum rendevuoj
ripetadis kun flat’
“mia amo – beethoven
kaj moderna kravat'”
[strofo 7]
iam lernis germanan
li en la institut’
kaj memoras, ke “bone”
ŝajne, estas “sehr gut”
tio, certe sufiĉas
por la certa medi’
plu knabin’ ne aperas
en tendaroj kun ni
[strofo 8]
daŭri kanton similan
certe, eblas sen fin’
“sed, ĉu estos moralo?”
tuj demandos li min
la moralo aperos
mi ne miras pri l’ pet’
ni kutimas ricevi
sencon sur teleret’
[strofo 9]
ni kutimas pardoni
se amik’ sen hezit’
oferadas la sentojn
por trankvil’ kaj profit’
malaperas amikoj
en haladzo de l’ viv’
nur pri tio bedaŭras
mia simpla motiv’
Random Lyrics
- peter stampfel – waterloo sunset lyrics
- the customers – collide and cry lyrics
- annalisa – ragazza sola lyrics
- ben fat l – diddly lyrics
- chilli vanilli & brass knuckle – verrückt (pastiche/remix/mashup) lyrics
- lil xris – alone lyrics
- ben visini – too good (feat. ll cool jew) lyrics
- ghoulshorizon – secret lyrics
- mr. big – shadows lyrics
- nami kichi – gravity lyrics