mtm (rap) – ehsibha sah | احسبها صح lyrics
[مقدمة: تاكي]
اسمع منى نصيحة قبل ما تعمل اى فضيحة
فى مدينة اسكندرية بتحصل حاجات غريبة وفى الواقف اللى زى ديا لازم
نحسبها صح
محمود احكيلنا حكايتك
[المقطع الأول : محمود]
صباح الخير يوم جميل اقعد فى البيت لأ دا مستحيل
كلمت تاكى اشوف ايى الدييل
لقيتة نايم نوم الفيل
نزلت امشى فى شارع النزهة شفت حتة بنت تحفة جيت اكلمها ومن خوفها
راحت مصوتة ومنادية جوزها
اتاريها من نفس الحتة وجوزها دا كان راجل جتة
راح ماسكنى هوا و 6 ضربونى وطبقوا الجاكتة
وواحد اسموا حموا اليابانى قالى : متجيش هنا تانى
رحت واخد ديلى فى سنانى و نزلت الم صحابى وجيرانى
والموضوع كدا مش حايعدى وانا لسة حروح اخد حقى
ومن هدودمهم حاعض انقى اى حاجة تيجى على قدى
[اللازمة]
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح
[المقطع الثاني: مايكي]
مساء الخير ليلة فل
صووت الشارع بيندهلى اقعد فى البيت دا يبقا ذل بس حاعمل اية مع اهلى
عايز اطبق العربية بس اخويا حيسيحلى
امى عايزة التمثيلية وابويا عايز متش الاهلى
اعمل اية نفسى ارتاح
انا خلاص جبت اخرى
بالعافيا خت المفتاح فتحت الباب ونزلت اجرى
رحت مدور جبت الاول
جت سليمة وطلعت بخير
بس مكنتش خالص اتصور انى ماشى عكس السير
فجأة لقيت عربية جاية جاية وبتضرب رعاش
مش ححكيلكم عال بقية علشان قاعد فى الانعاش
[اللازمة]
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح
[المقطع الثالث: تاكي]
3\3 يوم منحوس دقنى طويلة معنديش موس
عندى ميعاد مع 4 بنات بس المصيبة معيش فلوس
لازم احل المشكلة العملية مقفلة
ومحدش حيسلفنى علشان ديونى المتلتلة
افتكرت بتاع البيكيا بيشترى منى اى حاجة
وفى ثانية واحدة جتنى فكرة انا ممكن ابيعلة التلاجة
اديتة رنة راح مكلمنى وعرضت علية الموضوع
اتفقنا يأجر منى ويرجعها بعد اسبوع
خدت الفلوس رحت بيها كذا حتا وصرفتها كلها فى هبالة
صحيت تانى يوم معيش ولا نكلة ( اية الحل )
الغسالة
صح كدا . صح كدا
[اللازمة]
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح
Random Lyrics
- eljay kenn – amigo lyrics
- entetainment – punchlines für die fanbase s2 – #6 lyrics
- eire apparent – the clown lyrics
- kota the friend – intermission (a good thang) lyrics
- hundreds – take it down lyrics
- honne – crying over you (feat. beka) lyrics
- керил (keril) – пожар (fire) lyrics
- aviana – celosia lyrics
- jay valle (rapper) – work ethic lyrics
- krawk – hb20 monstra lyrics